Скачать или смотреть خالد عبدالرحمن آهات

آهات من طول العناء طاولتني
ونفسي من الفرقى وحالي صخيفة
جارت علي من الفراق وقصتني
غزت ولكن مانوت بالنكيفة
بهمومها اللي شفت منها كوتني
هذا الذي خلا حياتي مخيفه
باكر يروعني وأنا فيه فتني
وأقول ليت الغيب يبخل بحيفه
خيل السعادة بالهوى خالفتني
خالفت معها عيد قلبي وريفه
هبت هبوبٍ بالنيا عطشتني
وكم غاليٍ قبلي ظما من وليفه
ليت الليالي عن غرامي نهتني
ولا بدأ زرع الأمل منك هيفه
وألا إنها في غايتي خيرتني
وأختار أنا مرباع قلبي وصيفه
خلٍ جيوشه بالمحبة غزتني
وأنا أسيرٍ للعيون العفيفة
أغلى هجوسٍ طول الأيام جتني
هاك الهجوس اللي تجيني بطيفه
الماضيات بغيبها ما أنصفتني
والمقبلات أرجي عدلها خليفة
أتبع ظنونٍ بالهوى ماشفتني
أحسب حمولي بالمحبه خفيفة
واليوم ظالمة المحبه طوتني
طي الورق يوم أنطوى به خريفه
وأشباح يأسي بالهموم أعترتني
وأنا علي أسباب صدك كليفة
أشيل حتفي راضيٍ فوق متني
وأروح نفسي من حياتي معيفه
وأقول للي بالجفاء عذبتني
عسى الشقاء من بيننا بالنصيفة
شربت من فيض الشقاء وأشبعتني
دنياً مع الأحزان ضدي حليفة