Скачать или смотреть ભગવાન ક્યાં રહે છે, શું ખાય છે અને શું કરે છે? બીરબલના જવાબો

અકબરના રાજદરબારમાં ત્રણ સવાલો અને બીરબલના અફલાતૂન જવાબો: "ભગવાન ક્યાં રહે છે, ભગવાન શું ખાય છે અને ભગવાન શું કરે છે?'‘ સાંભળો અહીં ..

હરકિશન પ્રજાપતિ .. ટ્રેનર અને મોટિવેશનલ સ્પીકર . . મારો ઉદ્દેશ વાર્તાઓ દ્વારા કોઈપણ પ્રકારની તાલીમ આપવાનો અને તમામ તાલીમ વિષયોને આધ્યાત્મિક વાર્તાઓ અને ભગવદ્ ગીતા સાથે જોડવાનો છે . . જેથી શીખનાર ઝડપથી, સરળતાથી શીખી શકે અને જીવનભર યાદ રાખી શકે . .
કૃપા કરીને મારી YouTube ચેનલને સબ્સ્ક્રાઇબ કરો:    / @gujaiarti.moral.stories  

એક વાર અકબરે રાજદરબારમાં ત્રણ સવાલ પૂછ્યા, "ભગવાન ક્યાં રહે છે, ભગવાન શું ખાય છે અને ભગવાન શું કરે છે?'‘
બધા વિચારમાં પડી ગયા, કોઈને કોઈ જવાબ સુઝ્યો નહીં. અકબરે બીરબલ સામે જોયું, બીરબલ હસ્યાં.
બીરબલે કહ્યું, “શહેનશાહ! એક વાડકામાં દૂધ મંગાવો” વાડકામાં દૂધ આવ્યું.
બીરબલ થોડી વાર સુધી દૂધમાં આંગળી ફેરવતા રહ્યા. અકબરે પૂછ્યું, “આ શું કરો છો?”
બીરબલે કહ્યું, “દૂધમાંથી માખણ કાઢી રહ્યો છું.” અકબર મશ્કરી કરતા બોલ્યા, “અરે બીરબલ! આમ માખણ ન નીકળે. એના માટે દૂધનું દહીં બનાવ્યા પછી ખુબ વલોવવું પડે, પછી માખણ નીકળે”
બીરબલે જવાબ આપ્યો, “શહેનશાહ! તમારા પહેલા પ્રશ્નનો જવાબ આ રહ્યો: ભગવાન પણ માખણની જેમ સમગ્ર વિશ્વમાં વ્યાપેલા છે. તપ, ધ્યાન અને ચિંતન ધ્વારા તેનો સાક્ષાત્કાર કરી શકાય.” અકબર બોલ્યા, “અદ્દભુત”.
બીરબલ બોલ્યા, “શહેનશાહ! હવે તમારા પહેલાના અને અત્યારના વર્તન અને વાણીમાં કેટલો ફર્ક આવ્યો. આપનો અહંકાર ક્યાં ગયો? હવે બીજા પ્રશ્નનો જવાબ આ રહ્યો: ભગવાન બધાના અહંકાર ખાય છે.”
પછી બીરબલે અકબરને સવાલ પૂછયો, “શહેનશાહ! આ સવાલો તમે ગુરુ તરીકે પૂછી રહ્યા છે કે ચેલા તરીકે?'‘
શહેનશાહે કહ્યું, “ચેલા તરીકે.”
બીરબલે તરત જ સામે ચોપડાવ્યું, “ચેલાની ઉદ્ધતાઇ તો જુઓ. તે સિંહાસન પર બેઠો છે, જ્યારે ગુરુ નીચે જમીન પર ઊભા છે.”
આ સાંભળી અકબર શરમાઇ ગયા. તેઓ તરત સિંહાસન પરથી નીચે ઊતરી ગયા અને બીરબલને સિંહાસન પર બેસાડવામાં આવ્યા. બીરબલે કહ્યું, “શહેનશાહ! હવે તમારા ત્રીજા પ્રશ્નનો જવાબ આ રહ્યો: ભગવાન સેવકને શહેનશાહ બનાવી શકે છે અને શહેનશાહને સેવક.”
અકબર બાદશાહ બીરબલના જવાબોથી ખૂબ ખુશ થયા