Скачать или смотреть राज्यस्तरीय श्री चक्रपाणी प्रभू स्वच्छता अभियान (वर्ष १०)

भंडारा व तुमसर येथे श्री चक्रपाणी प्रभू स्वच्छता अभियान संपन्न
ग्रामस्वच्छतेचे आद्य प्रणेते, महानूभाव धर्माचे तिसरे अवतार श्री चक्रपाणी प्रभू महाराज ( कार्यकाल १०४२ ते ११४३) यांच्या महान अशा ग्रामस्वच्छता विषयक कार्याची माहिती प्रत्यक्ष आचरणाद्वारे जणमाणसांत रूजवण्यासाठी तसेच त्यांच्या समाजोद्धारक विचारांचा व जिवोध्दारक कार्याचा प्रसार व प्रचार करण्यासाठी सर्वज्ञ श्री चक्रधर स्वामी विचारमंच तळोधी (बा) व परिसर द्वारा सर्वज्ञ श्री चक्रधर स्वामी अवतरण दिन ते श्री चक्रपाणी प्रभू जन्मोत्सव या कालखंडामध्ये राज्यस्तरीय श्री चक्रपाणी प्रभू ग्रामस्वच्छता अभियान (वर्ष १० वे) राबविण्यात येत आहे.
*सर्वज्ञ श्री चक्रधर स्वामी अष्टशताब्दी महोत्सवाच्या निमित्ताने दि.१८/०९/२०२२ रोज रविवारला सकाळी ९.वाजता दृष्टांतपाठ निरूपण सोहळा,अखील सभागृह येथून ग्रामस्वच्छता अभियानाला प्रारंभ करण्यात आला. गणेशपूर, भंडारा येथे ग्रामस्वच्छता अभियान राबवून जनजागृती करण्यात आली. तसेच दुपारी ठिक ३ वाजता श्रीकृष्ण मंदिर तुमसर येथून स्वच्छता अभियानाला प्रारंभ करून जनजागृती व प्रबोधन करण्यात आले. श्री दत्तात्रेय प्रभू मंदिर तुमसर जि.भंडारा येथे स्वच्छता अभियानाचा समारोप करण्यात आला.
या स्वच्छता अभियानाला मोठ्या प्रमाणात महानुभाव पंथीय संत तपस्वीनी व सद्भक्त उपस्थित होते.

आचरणशील समाजनिर्मीतीच्या कृतीशिल उपक्रमात आपणही सहभागी व्हा..! 👇👇
संपूर्ण राज्यभरातील विविध सामाजिक, धार्मिक, संस्था, संघटना व मंडळ यांना आवाहन करण्यात येत आहे की आपणही आपल्या वार्डात गावात मंदिर आश्रम परिसरात श्रीचक्रपाणी प्रभू स्वच्छता अभियान राबवून या उपक्रमात सहभागी व्हावे व त्याचे फोटो विडीयो आम्हाला 9921837435 या व्हाटस् अप नंबर वर पाठवावे ही विनंती.

★ - ★ { मुख्य आयोजक } ★ - ★

"सर्वज्ञ श्री चक्रधर स्वामी विचारमंच"
तळोधी (बा) व परिसर