En Hili Stün 2024

E aptiikning foon En Hili Stün 2024, 14.12. Naigalmsbel
(Kiiwenooch schönj e popsunge süwid korted wårde, dåt YouTube niinj liitsens ferlångt)

Klooke

Franziska Böhmer (orgel)
Ulrich Anton Clausen Fehr (1753-1812):
Allegro - Andante - Allegro Es &
Allein Gott In Der Höh Sei Ehr

Gemiindesung:
Maria gäng döört Toornestrük
(fraschen takst: G. Funck)

Maria gäng döört toornestrük, Kyrieleison!
Maria gäng döört toornestrük,
dåt häi önj soowen iir niinj bleese hädj. Jesus än Maria.

Wat dröich Maria unert hart? Kyrieleison!
En luurlatj bjarn suner piin än wårk
dåt dröich Maria deer unert hart. Jesus än Maria.

Deer häin da toorne rouse dreeg´n, Kyrieleison!
As et bjarn wörd döör et hoolting dreeg´n
deer häin da toorne rouse dreeg´n. Jesus än Maria.

Hü schal dåt bjarn san noome wees? Kyrieleison!
Jesus Kristus as di noome san,
dåt wus foon önjfång di noome san. Jesus än Maria.

Wat fäit et bjarn as påtjegiilj? Kyrieleison!
E wråål än uk di hamel hiilj,
da füng et Jesusbjarn as påtjegiilj. Jesus än Maria.

Huum heet friliisd e hiile wråål? Kyrieleison!
Dåt heet et Jesusbjarn åliine dänj,
Jesus Kristus di heet dåt åliine dänj. Jesus än Maria.

Begrööten
Thore Johannsen, Et Nordfriisk Teooter

Et Nordfriisk Teooter Ensemble:
We Swääwe Döör E Luft
(Howard Blake, fraschen takst: G. Funck)

Gemiindesung:
Huuch foon e hamel kam ik dil (LneH 7)

Huuch foon e hamel kam ik dil, ik bräng en boose gou än mil,
man boose as sü grut än hal, weer ik foon schung än spreege wal.

En latj bjarn diling tu jam kamt, wat ham as mam en jümfer namt,
än dåtheer bjarn sü spii än blees, schal jarnge häi än fröide wees.

Hat´s Goodens Saan, e Hiire Krast, önj Davids stää di tuläid as,
deer jarnge Hailand weese wal, än riin foon seene mååge schal.

Sü mårk jam nü dåt tiiken rucht: Mån önj en kreeb, önj swiipe schucht,
jam fine dåtdeer bjarn, wat hålt, e hiile wråål önj sin gewålt.

Åål loof än iir wees Gooden broocht, deer üs san äine Saan tutoocht, deeram ham fröit et ängelhiir, än wanschet üs en gou nai iir.

Tääl:
Erich Kästner: Feliks Håålt Saanep
lääsen foon Martje Karstens

Franziska Böhmer (orgel)
Ulrich Anton Clausen Fehr (1753-1812):
Praeludium F & Praeludium G

Et Nordfriisk Teooter Ensemble:
E Måcht Foon E Liifde
(H. Johnson ä.o., fraschen takst: G. Funck)

Prädjai
Gerald Rohrmann, gemiindeprääster

Gemiindesung:
Mååg Huuch e Döör (LneH 1a)

Mååg huuch e döör, e porte briidj! E kining kamt långs iiren striidj.
Di Hiire foon e hiile wråål. huums rik stoont our da rike åål.
Et hail än lääwent brängt´r üs, deeram schung åål ma´n gloien müs:
Dan Good ful liiwd än måcht treet in än språåt sin jåcht.

Hi as en heelper trou än gödj, kamt ridend, ful foon seeftemötj,
sin kiningskröön as hålihäid, sin tsepter grut bårmhartlihäid.
Åål lååst än nüüdj hi foon üs namt, loow ham, deer foon san troon
jurtkamt:
Dan Krast ful liiwd än måcht, treet in än språåt sin jåcht.

Luksooli as jü stää forwas, weer diheer kining ine as,
luksooli san da harte åål, weer diheer Hiire intiinj schal.
Hi brängt e fröide än e däi, e lust än luuter höög än häi.
Dan trååst ful liiwd än måcht, treet in än språåt sin jåcht.

Et Nordfriisk Teooter Ensemble ma gemiinde
Leest Jülfäst
(G. Michael, fraschen takst: G. Funck)
Refr.:
Leest jülfäst, däi ik de min hart
Duch gliks eefter iinj nåcht, deer däist dü et wach
Jarling schånk ik et de ai,
Ik dou et tu huum gåns besuners.

Oufslussäägen
Gerald Rohrmann, gemiindeprääster

Franziska Böhmer (orgel)
Anonym (Hüsemer Orgelbök foon 1758)
Concerto in D - Allegro

We wansche jam en fröiliken jül än ålet beest for 2025!

Bai e Hili Stüne 2024 mååge ma:
Martje Karstens, Franziska Böhmer, Thore Johannsen, Gerald Rohrmann,
Et Nordfriisk Teooter Ensemble (Damaris Krebs, Jörg Petersen, Olli Leibbrand, Gary Funck)


Mör informasjoon:
www.teooter.de
www.kirche-emmelsbuell-neugalmsbuell.de