Скачать или смотреть Yangon နားက Breeze Garden resort လေးမှာ အနားယူခဲ့စဉ် အပိုင်း (၁) family room လေးအကြောင်း

Breeze garden က ခရီးလည်းထွက်ချင်တယ်၊ လမ်းကြောင်းအခြေနေစိုးရိမ်လို့ဝေးဝေးလံလံမသွားချင်ဖူးဆိုတဲ့သူတွေအတွက် ရန်ကုန်အနီးတဝိုက်မှာရှိတဲ့ အကောင်းဆုံးအပမ်းဖြေလို့ရတဲ့နေရာတစ်ခုအဖြစ် နှင်းအိ Recommend ပေးချင်ပါတယ် ။ ၇ လပိုင်း မိုးတွင်းတုန်းက တစ်ခါ ၄ လပိုင်းဆန်း မှာ တစ်ခါ ရောက်ဖူးပြီး ..၇ လပိုင်းတုန်းကတော့ အပင်တွေစိမ်းစိုပြီး ပိုလှပါတယ် ။ ခြံဝန်းက ကျယ်ပြီး Trekking လမ်းကြောင်းဆန်ဆန်လေး ဖောက်ထားတဲ့ တစ်ချို့နေရာလေးတွေရယ် သေချာအချိန်ယူပြီး အလှဆင်ထားတဲ့ Photo Spots တွေရယ် ၊ သဘာဝတရားကြီးရဲ့အလှကိုလည်းမထိခိုက်စေပဲ ရှုခင်းလှလှလေးတွေ ခံစားလို့ရအောင်ပဲ ပြုပြင်ယူထားတဲ့ တစ်ချို့နေရာလေးတွေကြောင့် ပုံမှန် Staycation လိုမျိုးမဟုတ်ပဲ ခရီးလေးတစ်ခုကိုထွက်လိုက်သလိုခံစားရခဲ့ပါတယ် ။ အခန်းအမျိုးအစားအနေနဲ့ ၂ ယောက်ခန်းကိုမှ
Country House / Forest House ဆိုတဲ့သီးသန့် Bungalow လေးတွေရှိသလို နဲ့ ၃ ထပ်ဆောင်မှာ လည်း အထပ်အမြင့်ပေါ်လိုက်ပြီး ပါဝင်တဲ့ Facility ပေါ်မူတည်ပြီး ဈေးနည်းနည်းကွာပါတယ် ။ Family ခန်းတွေကတော့ ၂ ထပ်ဆောင် ကိုတစ်ထပ်လုံးရပြီး View လည်းလှပြီး ၊ သစ်တောဖက်ကို ထုတ်ထားတဲ့ Decking တွေကတော့ အခန်းရဲ့ စွဲဆောင်မှုတစ်ခုပါပဲ ။ နှင်းအိတို့ တစ်အုပ်လုံးကတော့ အဲ့ကွပ်ပြစ်မှာ Guiter တွေတီးကြ၊ဆိုကြ၊သောက်ကြစားကြပြီး အင်မတန်မှပျော်ခဲ့ရပါတယ် ။ ၂ ခေါက်သွားပြီး လူများတော့ အခန်းအမျိုးအစားအစုံကို တည်းဖူးခဲ့တာကြောင့် အားနည်းချက်အနေနဲ့ပြောရရင် Country House က Aircon မနိုင်ပါဖူး နွေရာသီဆို အခန်းထဲမနေနိုင်လောက်အောင်ပူပါတယ် ။ ညမီးပျက်တော့ပိုဆိုး ၊ လှောင်ပြီး မှောင်မဲနေရော ။ မီးက EPC လာရင်တော့တောက်လျောက်ပေးပေမယ့် မီးပျက်ရင်တော့ မီးစက်ကို နေ့လည် နေ့ခင်း ၁၂ ခွဲ ကနေ ၃ ခွဲ တဖြတ် ညနေ ၆ ကနေ ၁၀ ထိ တဖြတ် မောင်းပေးပါတယ် ။ Family Room ကလည်း ၂ ထပ် Bungalow ဆိုရင်အရမ်းကောင်းပေမယ့် Swimming Pool ဘေးက ၄ ယောက်ခန်းကတော့ အခန်းအပြင်အဆင်အနေနဲ့သိပ်မကောင်းတာမို့ ကြိုပြီး လိုချင်တဲ့အခန်းတွေကို မေးပြီး Booking လုပ်စေချင်ပါတယ် ။
ဈေးနှုန်းအနေနဲ့ ၂ ယောက်ခန်း ဆို ၈၀၀၀၀/၁၀၀၀၀၀/၁၂၀၀၀၀ ဆိုပြီး အမျိုးအစားလိုက်ရှိပြီး ၄ ယောက်ခန်းကတော့ ၁၂၀၀၀၀ ပါ ။ မနက်စာပါပြီး Hotel ရဲ့ Restaurant က အစားအသောက်စားကောင်းတဲ့အထဲပါပါတယ် ။ ဈေးနှုန်းကတော့ Hotel ဖြစ်လို့အပြင်ဆိုင်တွေနဲ့ယှဉ်ရင်နည်းနည်းများသလိုဖြစ်ပေမယ့် သင့်တင့်တဲ့အထဲပါပါတယ် ။ Wifi နေရာတိုင်းမရပါဖူး အဲ့တော့ ဖုန်း Data ဖြည့်လာပါ ။ Breeze Garden ရဲ့နေရာလေးက
ရန်ကုန်ဘက်က လာမယ်ဆိုရင်တော့ . . .
၁၀ မိုင်ကုန်း၊ ဘူးလယ်အင်းရွာ
(အင်းတကော်အကျော်) ဓမ္မဒူတ တက္ကသိုလ်ရှေ့လမ်းက " 𝘽𝙍𝙀𝙀𝙕𝙀 𝙂𝘼𝙍𝘿𝙀𝙉 " ဆိုတဲ့ ဆိုင်းဘုတ်အတိုင်း ဝင်သွားလို့ရပီး
ပဲခူးဘက်က လာရင်
ဟန်သာဂေါက်ကွင်း အကျော်၊ ဓမ္မဒူတ မုဒ်ဦးလမ်းထဲတည့်တည့်ဝင်ပြီး ဓမ္မဒူတ တက္ကသိုလ်ရှေ့လမ်းက " 𝘽𝙍𝙀𝙀𝙕𝙀 𝙂𝘼𝙍𝘿𝙀𝙉 " ဆိုတဲ့ ဆိုင်းဘုတ်အတိုင်း ဝင်သွားလို့ရပါတယ်။
Bus ကားနဲ့သွားလို့လည်းရတယ်ဆိုလို့ ပထမတစ်ခေါက်တုန်းက အပြန်မှာ Bus ၃ ဆင့်စီးပြီး မြောက်ဒဂုံကို ပြန်တာအဆင်ပြေပါတယ် ။ ဆင်းရတဲ့ကားဂိတ်က ဓမ္မဒူတ တက္ကသိုလ် (သို့) ဆယ်မိုင်ကုန်းဆင်း ခြံတရာလည်ပေါက်ဂိတ်လို့လည်းသိကြပါတယ်။ Google map မှာလည်းရှိတာမို့ ရှာရလည်းလွယ်ပါတယ်။
𝘽𝙍𝙀𝙀𝙕𝙀 𝙂𝘼𝙍𝘿𝙀𝙉 -Google Map
https://maps.app.goo.gl/9i23x6RKuy1ch...
Booking တင်ဖို့ဆက်သွယ်ချင်ရင် - 09891187124 ကိုဆက်သွယ်မေးမြန်းတာပိုမြန်ပါတယ် Facebook Page Messenger က ဆိုစာပြန်တာကြာပါတယ်။ ဒါပေမယ့် Page ထဲဝင်ပြီး လေ့လာချင်တဲ့သူတွေအတွက်ကတော့ Breeze Garden Resort ရဲ့ Page Link လေးကိုအောက်မှာထည့်ပေးထားပါတယ်။
https://www.facebook.com/share/1T6wzz...
တစ်ယောက်တည်းတစ်သီးတစ်သန့်လေး အနားယူဖို့ဖြစ်ဖြစ်၊ ချစ်ရသူနဲ့အမှတ်တရဖန်တီးချင်ဖို့ပဲဖြစ်ဖြစ် ၊ သူငယ်ချင်းတွေနဲ့ အပြည့်အဝ Chill ဖို့ပဲ ဖြစ်ဖြစ် သင်တော်တာမို့ ရန်ကုန်နဲ့အနီးတဝိုက်သွားဖို့အဆင်ပြေဆုံးနေရာလေးအဖြစ်ညွှန်းပါရစေရှင် ။