Скачать или смотреть ( الليلة الغرّا ) | غناء: يوسف ذاير | كلمات: عبدالرحمن الشمري | مهداه للشيخ نواف بن عبدالله اللغيصم

اشترك في قناة يوسف بن ذاير للاعمال الخاصه اصداراته
http://bit.ly/YousefThir
يوسف ذاير - ( الليلة الغرّا ) | غناء: يوسف ذاير | كلمات: عبدالرحمن الشمري | مهداه للشيخ نواف بن عبدالله اللغيصم
توزيع ومكس : احمد عبدالعظيم
فديو : بصمة امل
توزيع ديجيتال : الفان _
لمتابعة يوسف ذاير عبر وسائل التواصل الاجتماعي:
سناب شات : snapchat : http://bit.ly/2kFDy3v
تويتر : twitter : http://bit.ly/2lPHH55
انستقرام : instagram : http://bit.ly/2kFDOiZ
واتس اب : whatsapp : 0582927856
الكلمات:
الليلة الغرّا لكم يابو نايف
ما هلهلت بيض البنات الغرانيق
لا عاقك الله يا زبون الكلايف
لا صرّكت دون الرجال المزاليق
علّيت ياجامع قلوبٍ نظايف
تومي لهن مع الهبوب الزماليق
يا مبغضه بالله ويش انت شايف
غير الحصان اللي يربّ المعاليق
يكظم على عنان الشرف والشرايف
دون السما وملاعبه بالمحاليق
حرٍّ بتوع لْيا هوى ما يضايف
صيده سمين ومنزله بالشواهيق
ريشه نجير وعاصمات النوايف
يخسا عنه فرخ التبع والحميميق
في كف عبدالله تربى وكايف
نعم المواكر والمجاذيب توفيق
الله يا شيخٍ طوته اللحايف
علمه جبل ما بين سنجار وطويق
أبو نجم وان قلت لا وا حسايف
لاحت بطيّات الحنايا بواريق
وش كثر مثله يلبسون الغدايف
مير انّهم قدّام فعله مدانيق
عندي خبر من مبغضينه كتايف
يسوقهم سوق الهوا للدوانيق
ممشاه بالبَيّن ضحى ما يسايف
لا حكّموا على البواب المغاليق
ماينحمل وجهه ليا طاف طايف
يلبد عنه قرم الأواليد ويويق
يروف به من عنبر الطيب رايف
ماتنجبر منّه كسور النواشيق
ما تذكرونه يوم جته الطوايف
من كل فَجّ وعند ليّاتهم عيق
من ضفهم غيره كريم الوصايف
بسنيةٍ ينشف بها بارد الريق
أومى له الذيب الحمر بالمنايف
محسن عطاه عهودهم والمواثيق
لبو نجم من دون شمّر هفايف
حمرٍ عليهنّ الثنا له طبابيق
بياضتين يلاعبنّ السفايف
والثالثه فوق الرماح المزاريق
يرمن من الشطّين قطر المصايف
يردِن على بابه زوار التواريق
لعيون عبدالله تشوم الهجايف
بيض البني لا وا عذاب العشاشيق
الخيل من يَمّ المشابي عطايف
اقصر شبورك يالهليب المديقيق
قولة مثل والبيض قالن تكايف
لولا فعولك مابغيناك عشّيق
يا ما عطا من حر ماله معايف
كنه حرام وهو حلال بْسَنَةْ ضيق
منهو يلومن به ذرى كل خايف
ولا له شبيه بفَزْعته بالمخاليق
يرسي لحدبات الليال الهدايف
لين ايتعقَّبْها حميد وتوافيق
أول فناجيل البكار اللطايف
ينْمَدّ له ويخِص له بالأباريق
قارن قوارين القمر بالصوايف
وبالثالث الذالف غصونه مواريق
ماهاف له مع الكليبين هايف
ولا خَفَق يوم الزواهر خوافيق
أبو نجم والمدح عنده شلايف
من دون قدره كلّ ابونا مساويق
أدنى علومه للنشامى طرايف
واقصى علومه دونها يتعب الهيق
تنومست به فوق ربعه سلايف
نبيجان وجحيش ومنيع وشواريق
ويلومني به جاهلٍ به وجايف
مادقّ في قلبه زمانه خوازيق
هو ليه ما شافت عيونه طفايف
فعل الشجاع اللغيصمي مرذي النيق
اللي بعطراته تعج المضايف
مثل عجيل لْيا ذكروه وفهد بيك
ولو ما دنا يومه تشوف الشوايف
كانه خذا بشيخان نجدٍ طواريق
مرحوم ياللي كلّ عمره وظايف
للطيب والفزعه وكسر الغواليق
عسى لنا من بعد فقده خلايف
بعياله العَيّين والعلم توثيق