Скачать или смотреть نهێنی تەرککردن یان دروستکردنی هەر خوویەك کە دەتەوێت (گەنج و گۆڕانسازی لە سفرەوە #2 خووەکان)

من نزیکی سێ ساڵە شەو و ڕۆژم خستۆتە سەریەك تا تێگەشتم کە بە ڕاستی گەنج چی پێویستە تا ئەم ٦ هەنگاوەم ڕیز کرد پێکەوە و خۆشم شەو و ڕۆژ لەناویان ئەژیم و ئیشیان لەسەر ئەکەم بۆ ژیانی خۆم و هەر گەنجێک لە سفرەوە و بە ڕیزبەندی ئیش لەسەر ئەم خاڵانە بکات وەڵاهی بە چاوی خۆی گۆڕانکاری گەورە ئەبینێت پشت بەخوا

1️⃣چاك کردنی عەقڵییەت:
ڕەگ و ڕیشەی چاککردنی ئەم کۆمەڵگایە و خۆمان چاککردنی عەقڵییەتمانە دەربارەی هەموو شتێك، باش و خراپ، هەوڵدان و کات بەفیڕۆدان، شکست و سەرکەوتن، دونیا و قیامەت، دینداری و بێ دینی، هتد….

2️⃣گۆڕانکاری لە خوو و ڕەفتارەکانمان:
زۆر گرنگە لێکۆڵینەوە لەسەر خوو و ڕەفتارەکانی خۆمان بکەین و هەموو ڕەفتارەکانمان بدەین لە فلتەر و فێری ئەوە ببین کە چۆن بیانگۆڕین و خووە خراپەکانی خۆمان بەلاوە ناشرین بێت و هەوڵ بۆ گۆڕینیان بدەین نەك شانازییان پێوە بکەین.

3️⃣تەزکییەی نەفس (پاککردنەوەی نەفس-دڵ):
باوەڕم وایە زۆرکەس هەر نازانێت ئەم بابەتە چییە و لە ژیانیدا سێرچێکی بۆ نەکردووە دوو شت سەیر بکات لەسەری، بەڵام ئەوە بزانە نەفس و دڵی ئینسان شتانێک هەیە پیسی ئەکەن و شتانێک هەیە پاکی ئەکەنەوە و لە نێوانی ئەم پاکبوونەوە و پیس بوونەدا چەندین قۆناغ هەیە کە کەسەکە پێیدا تێپەڕ ئەبێت

4️⃣ڕێکخستنی ژینگەی دەوروبەرت:
لە ٣ قۆناغی پێشوودا بیر و ڕا و کەسایەتیت تا ڕاددەیەکی زۆر گۆڕانکاری بەسەردا دێت و بۆیە پێویستە فێرببی کە ژینگە کۆنەکە لە خۆت دووربخەیتەوە تاکو لەگەڵ ژیانە باش و داهاتوو و خەونە گەورەکەت بگونجێت و کە ژینگە زۆر شت ئەگرێتەوە، هاوڕێ، خزم و دۆست، مۆبایلەکەت و سۆشیاڵ میدیاکانت و ئەو پەیجانەی سەیری ئەکەی و ئەو کەسانەی گوێیان لێ ئەگری و پشتیوانییان ئەکەیت و هتد…

5️⃣دۆزینەوەی حەز و بەهرەکانت:
کە ئەو قۆناغە بنەڕەتییانەی دیکەت تێپەڕاند ئیتر کاتی ئەوەیە داهاتوویەکی گەش بۆ خۆت دروست بکەیت و بێی بە تەواوی بوونتەوە ئیش لەسەر حەز و بەهرەکانت بکەیت و بیاندۆزیتەوە و بیانکەی بە سەرچاوەی ئیش و داهات و خزمەتکردن بە خەڵک و دین و دونیاش

6️⃣دەستپێك:
دوای هەموو ئەوانە ئینجا پرسیارێک دێتە ناوەوە کە ئەوەیە ئەو بنچینانەی لە سەرەوە باسمان کرد چۆن بیانکەمە چەکی دەستم و چۆن دەست بکەم بە ئیش و کار و داهات پەیداکردن و ئەو شتانە چین کە ئەگەر بیزانم زووتر ئیشم دەست ئەکەوێت و لەجیاتی ئەوەی بێ ئیش بم چەند ئیشێکیشم ببێت و هەروەها ببمە براوەی دونیا و قیامەتیش..

هەموو ئەمانە لە پڕۆگرامی (گەنج و گۆڕانسازی لە سفرەوە) باسکراون زنجیرە بە زنجیرە

#گەنج
#بوار