DD News Mizoram Chanchinthar | 6 December 2024 | 6:30 PM

HEADLINES:

1. Chief Minister Pu Lalduhoma'n vawiin khan Chhingchhip Sainik School Annual Day vawi 8-na hmanpuiin, Mizoram leh India ramin lehkhathiam, ram leh hnam tana mi tangkai a mamawh tih a sawi.

2. Home Minister Pu K. Sapdanga'n Champhai Zote khaw kum 125 tlin lawmna hun hmanpuiin, IIDC leh ITI-te sorkarin tihphuisui a tum mekna kawngah Zote khawtlang chu an rilru lo hawng turin a ngen tih a sawi.

3. Vety Minister Pu C Lalsawivunga'n vawiin khan JB Foundation Animal Shelter, Bungbangla tlawhin, Animal shelter changtlung zawk siamna tura CSR fund dil tur chak zawka buaipui a nih theih nan theihtawp a chuahpui tur thu a sawi.

4. School Education Minister Dr Vanlalthlana'n nimin khan Union Education Minister Dharmendra Pradhan chu a pisa-ah hmuin, a dept. chan hnuaia Mizoram sorkar hmalakna hrang hrang leh mamawhte a sawipui.

5. Tourism Minister Pi Lalrinpuii'n International Paragliding Accuracy Championship & Airsports Festival 2024 Bawngchawm, Serchhipa neih turah ram hrang hrang atangin Paraglider 79 an tel dawn tih a sawi.

6. Social Welfare Minister Pi Lalrinpuii'n vawiin khan Eklavya Model Residential School hrang hrang tana HDFC Bank-in an CSR fund atanga Smart Classroom an siam chu SAD Conference Hall-ah a hawng.

7. Commerec & Industries Minister Pu F Rodingliana'n vawiin khan Baptist Multipurpose Centre, Falkland, Aizawla buatsaih 'International Conclave cum Buyer Seller Meet' a hawng.

8. Mizoram BJP MLA pahnih Dr K. Beichhua leh Pu K. Hrahmo-te bakah MADC CEM Pu M Laikaw-te chuan vawiin khan New Delhi-ah Union Finance Minister Nirmala Sitharaman hmuin, Mizoram harsatna hrang hrang an sawipui.

9. Mizoram Sorkar chuan him zawk leh man man zawka buhfai phurh kual kawnga hmala thate chawimawina “Commendation for Successful Implementation of PDS Supply Chain optimisation” nimin khan a dawng.

10. Department of IT, MZU, IIT Bhilai leh Agriculture and Farmers Welfare Department tangrual chuan December ni 4 leh ni 5 khan “National Workshop on Agricultural Enhancement using IoT & AI for Mizoram” an buatsaih.

11. Directorate of Sainik Welfare & Resettlement hmalaknain Armed Forces Flag Day, 2024 pualin vawiin khan Mizoram puma sorkar office hrang hrangah vehbur khawn a ni a, Lapel Pin zawrh a ni bawk.

12. Prime Minister Narendra Modi-a'n Bharat Mandapam, New Delhi-a Ashtalakshmi Mahotsav 2024 neihah exhibition a hawng a.

13. President Droupadi Murmu in zirna chu hna hmuhna atan chauh nilo hmasawnna atana hman a tul thu a sawi.

14. External Affairs Minister Dr S. Jaishankar chuan India leh Japan inkara semiconductor thawhhona pawimawhnate a sawi.

15. India ram danpui siamtu ber Dr B. R. Ambedkar thih champha vawi 68-na pualin vawiin khan Mahaparinirvan Diwas hman a ni.

16. Rajya Sabha chamber atangin pawisa tam tham tak hmuhchhuah a ni.

17. BJP MP, Nishikant Dubey-a’n Eptu Party hruaitu Rahul Gandhi leh Congress hruaitu dangte a puhna avanga buaina a chhuah avangin Lok Sabha thutkhawm chu vawiin atan tihtawp a ni.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram