Скачать или смотреть ការហាត់ Yoga ដើម្បីបង្កើនគុណភាពជីវិតបុគ្គល និងសង្គម

ការហាត់ YOGA គឺជាការហាត់ប្រាណផ្ដោតលើសុខភាពផ្លូវកាយនិងសុខភាពផ្លូវចិត្ត។ ក្នុងភាសាខ្មែរ “យោ” បកប្រែថា យោគៈ ដែលប្រជាជនយើងនិយមហៅថា YOGA។ យើងនិយាយពីសុខភាពផ្លូវកាយ ការហាត់ YOGA អាចជួយឱ្យប្រព័ន្ធសាច់ដុំយើងមានសុខភាពល្អ រឹងមាំ និងអាចបត់បែនបាន ដោយលំហាត់ YOGA អាចធ្វើឱ្យសាច់ដុំលាឬក៏ធ្វើឲ្យប្រឹងខ្លាំង។ បន្ទាប់មកទៀតនោះ ការហាត់ YOGA ក៏ជួយដល់ប្រព័ន្ធឆ្អឹងរបស់យើងដោយចលនារបស់ YOGA ធ្វើឲ្យឆ្អឹងនិងសាច់ដុំមានចលនាជាមួយគ្នា ធ្វើឲ្យសារធាតុចិញ្ចឹមក្នុងចរន្តឈាមហូរបានល្អដែលធ្វើឲ្យឆ្អឹងរឹងមាំ។ រីឯការឈឺក្រពះ ឬការលើសជាតិអាស៊ីតគឺបណ្តាលមកពីការហូបអ្វីមិនត្រឹមត្រូវ ឬអាហារដែលគ្មានតុល្យភាព។ ការហាត់ YOGA ក៏អាចជួយក្នុងការរំលាយអាហារធ្វើឲ្យក្រពះដំណើរការបានល្អ។ ចំពោះសុខភាពផ្លូវចិត្តវិញ ការហាត់ YOGA អាចជួយដល់ប្រព័ន្ធប្រសាទរបស់យើង។ កាលណាយើងធ្វើការច្រើន ប្រព័ន្ធប្រសាទរបស់យើងមានការរងសម្ពាធ។ ការហាត់ YOGA ធ្វើឲ្យប្រព័ន្ធប្រាសាទយើងសំរាកមកវិញ។ ដោយការហាត់ YOGA ជួយដល់ប្រព័ន្ធប្រាសាទយើង វាក៏អាចជួយដល់ប្រព័ន្ធអកម៉ូនរបស់យើងដែរឲ្យវាមានដំណើរការបានល្អ។ បន្ថែមទៀតនោះ បើទោះបីជា ការហាត់ YOGA មានចលនាយឺតៗមួយៗក៏ដោយ ចលនាទាំងនោះសុទ្ធតែជួយពង្រឹងប្រព័ន្ធការពារជំងឺរបស់យើងផងដែរដោយអាចជំនួយជួយដល់ការការពារពីជំងឺ COVID-19។ ការហាត់ YOGA ក៏អាចជួយដល់ប្រព័ន្ធដង្ហើមយើងដែរ។ ជាធម្មតា យើងតែងតែឃើញមានការហាត់ដង្ហើមក្នុងការការហាត់ YOGA។ ក្បាច់ទាំងនេះសុទ្ធតែជួយពង្រឹងសួតរបស់យើងឲ្យរឹងមាំបានល្អ។ ចុងក្រោយ ការហាត់ YOGA ជួយដល់ប្រព័ន្ធរបត់ឈាមរបស់យើង ជួយដល់បេះដូងរបស់យើង ដោយធ្វើឲ្យមិនមានការកកខ្លាញ់ក្នុងសរសៃឈាម។ ដូចនេះ ការចំណាយពេលតែ ១ ម៉ោងសម្រាប់ការហាត់ YOGA គឺជាការវិនិយោគស្មើនឹងយើងមិនយកលុយទៅឲ្យពេទ្យហើយ យើងឈឺទៀត។

AVI News ជាស្ថាប័នព័ត៏មានដែលផ្តោតលើការវិភាគភូមិសាស្រ្តនយោបាយ សេដ្ឋកិច្ច ហិរញ្ញវត្ថុ ការអប់រំ និងបរិស្ថាន។
AVI News is a newsagent which focuses on analysis on geopolitics, economy, finance, education, and environment.
Youtube Channel:    / @avinewsofficial