Story writer: LJ Writes
Story voice: Regine
Arranged by: Admin Luna Margaret
Nakanguso si Nathalie habang nakatitig sa mga paninda niyang isda. Halos limang oras na siya sa merkado, pero ni isa ay wala pa siyang benta.
"Ano'ng mukha iyan, Nathalie?" tawag sa kaniya ni Iza na nasa katabing pwesto. Ito ang madalas niyang ka-kwentuhan habang nagtitinda at itinuturing na rin niyang kaibigan.
"Tingnan mo nga itong mga isda ko. Ni isa, wala pang nabawas," reklamo niya sabay nagbuntong-hininga.
"Ako nga rin, matumal talaga ang benta ngayon. Masyadong mapili ang mga mamimili. Kita mo, doon lang sila tumitingin sa mga karne at gulay. Siguro nababahuan sila dito sa pwesto natin."
Tumango si Nathalie at napasapo sa kaniyang noo.
"Kapag hindi ito nabili, paano na ang baon ng kapatid ko bukas?" bulong niya sa kaniyang sarili at mangiyak-ngiyak na tinitigan ulit ang kaniyang mga paninda.
Sa pagtitinda, hindi naman lingid sa kanilang kaalaman na palakasan iyon. Kung marami kang suki, at kilala ka, mataas ang posibilidad na sa'yo unang lalapit ang mga mamimili. Pero sa kagaya ni Nathalie na mahiyain, lagi lang siyang nilalagpasan ng mga ito.
Pero dahil lubhang kailangan niya ng pera, nakaisip siya ng kakaibang estratehiya upang maka agaw ng attensiyon.
Tumayo si Nathalie at nagsimulang tumula.
"Isda sa aking harapan, amoy malansa man, tiyak naman na mabuti para sa ating katawan. Ito'y source of protein, kapag iyong kinain, tiyak ang inyong mga muscles ay magsisilabasan rin," panimula niya habang nakangiti.
Sandali namang napanganga si Iza dahil sa pagkagulat sa ginawa ng kaibigan. At maging ang mga mamimili ay napalingon sa kaniya.
Pagkatapos ng kaniyang tula, ay kumanta naman siya. Kahit hindi naman gaanong maganda ang kaniyang boses, ipinakita niya pa rin na confident siya sa ginagawa.
"Ang galing ng dalagang ito. Masyadong malawak ang imahinasyon," wika ng isang manang na namimili ng mga gulang sa kabila.
"Mahiyain iyan si Nathalie, pero matalino talaga siya. Consistent honor student iyan simula elementarya hanggang highschool. Hindi na nga lang nakapag aral sa koleheyo dahil walang pampa-aral ang kaniyang mga magulang," kwento pa ng isang tindira.
"Ay talaga?" singit ng isang ale.
"Oy, kayo diyan. Bumili na po kayo ng isda ko, presko na, magaan pa sa bulsa!" muling wika ni Nathalie na puno ng sigla ang boses.
Natuwa sa kaniya ang mga mamimili, at isa-isang lumapit ang mga ito. Ang iba ay kinukuhaan siya ng video, at hindi naman iyon lingid sa kaalaman ni Nathalie.
"Hija, bilhin ko na iyang natira. Kay galing-galing mo palang tumula, may potensyal ka sa writing industry," puri sa kaniya ng isang babaeng nasa 40s na.
"Ay, salamat po, ale," magsayang tugon niya dito.
"Naubos na talaga ang isda mo, Nathalie," wika ni Iza na kanina pa nakatitig sa kaniya.
"Gusto mo tulungan na din kita diyan sa paninda mo?" alok naman niya dito, na hindi naman inayawan ng dalaga.
Pinagtulungan nilang ibenta ang mga paninda ni Iza, at nang maubos na ay sabay silang umuwi sa kanilang mga bahay na dalawang bahay lang ang pagitan.
"Maraming salamat sa tulong mo Nathalie. Ito oh, tip ko sa'yo," wika ni Iza sabay abot kay Nathalie ng isang daan.
"Naku Iza, hindi na, tulong ko lang iyon sa iyo. Sapat na sa'kin ang pasalamat mo, at masaya ako na naubos ang mga paninda natin," nakangiting wika ni Nathalie kaya naman niyakap siya ni Iza.
"Ang bait mo talaga. Sana makapag-asawa ka ng mayaman, yong ituturing kang prinsesa, deserve mo iyon," pabiro pang wika ni Iza.
"Sus, walang ganoon 'no. Ang mundo natin ay puno na ngayon nga mga red flag na kalalakihan. Mayaman nga pero ituturing kang katulong, naku ayaw ko ng ganun. Kaya hindi na lang siguro ako mag-aasawa."
Naputol ang kanilang usapan nang tawagin na si Iza ng nanay ito. Kaagad naman itong nagpaalam at muling nagpasalamat kay Nathalie.
Sa kabilang dako, naka-upo si Zimon sa swivel chair nito habang nilalaro ang ballpen na hawak niya. "Si Nathalie ba ito? Aba, viral na siya. Teka, isda ba iyang paninda niya?"
***
This audiobook is an original content. This AUDIO ROMANCE STORY is solely owned by GINAJED STORIES. Script, narration, and editing are uniquely produced for this channel. Do not STEAL. Unauthorized reupload is not allowed.
Images used in this video are free to use and are included only to provide visual presentation.
No copyright infringement is intended.
Email us: ginajedstories2025@gmail.com
***
Tags:
#tagalogpocketbook
#ginajedstories
#tagalogstory
Keywords: love story, bilyonaryo, kuwentong may kuwenta, drama, Pinoy story, revenge stories, success stories, kilig, pag-ibig, pagmamahalan, full story, one shot story, maikling kuwento, maid & boss, CEO, mahirap at mayaman
Информация по комментариям в разработке