除左支付寶、微信，北上仲可以用銀聯、雲閃付，有乜優惠？要注意乜野？

除左支付寶、微信，北上仲可以用銀聯、雲閃付，有乜優惠？要注意乜野？

內地已經全面通關一段時間，
相信大家都體驗過內地電子消費的強大。
大家北上消費付錢的時候，
最常見都應該見到支付寶和微信支付的標誌，
但如果大家去較大型的連鎖超市、商店、食肆，
就會見到銀聯、或者雲閃付的標誌，
今日就同大家講，點樣用銀聯北上消費。
同用銀聯有什麼著數。
特別係那班無申請內地戶口、電話卡、無支付寶、微信支付，
但在香港本身有銀聯信用卡的朋友。

因為銀聯支付都分好幾種，首先就同大家講講先。

雲閃付、銀聯閃付、銀聯手機閃付

相信大家都對支付寶和微信支付有一定認識，
兩者都是電子支付平台，以掃或被掃二維碼的方式支付，
而雲閃付支付方式與前兩者相約，
都可以用掃或被掃二維碼的方式支付
不同的是，雲閃付只可以連結銀聯的信用卡或銀行卡

而多數你經過商店，都會見到雲閃付標誌隔離有中銀的bocpay
及其他銀行的支付工具，
以bocpay為例，用法和雲閃付基本是一樣，
不同的是，bocpay只可以綁定中銀的卡。

而銀聯閃付，即是用銀聯卡拍卡作非接觸支付，
即是大家經常講的拍卡
即是銀聯版的visa paywave，
但注意，你的銀聯卡要有以上標誌才可做銀聯閃付


銀聯手機閃付，就是將你的銀聯卡，加至手機銀包入面
即apple pay及Huawei Pay，付款時類似銀聯閃付，
但不用拍信用卡，而是開啟手機銀包拍手機，
而綁定信用卡、銀行卡需要用網絡數據，
但綁定後付款，無數據都可以
注意，銀聯是不支援google pay

順帶一提，雲閃付唔似支付寶和微信支付，是需要有網絡才能夠開二維碼，
不能做手機離線付款，
而銀聯閃付及手機閃付，付款時都不需用數據。

不同標誌有何分別

當你去商店時見到以下標誌，即代表可以用銀聯或雲閃付作支付，
不過不同的標誌有不同意思
以下資料是來自銀聯的官方介紹
這個定義，內地和香港都是一樣
這個即代表接受銀聯卡付款，
亦即是碌銀聯卡，
當然，有時商店為了便利，
可能有銀聯標誌都代表可以有雲閃付或拍卡

至於這個標誌，
比之前的標誌多個wifi logo，
即代表可接受銀聯閃付/銀聯手機閃付

但其實近年非觸式支付都甚為流行
如果見到無閃付的標誌，
你可以問問，可否拍卡或拍手機
大多機都有提供。

而這個銀聯標誌隔離加上一個二維碼，
即代表可以用銀聯二維碼支付
除雲閃付App、亦包括其他香港發卡機構的自家電子錢包，
例如BocPay、Reward+、八達通等等。

而雲閃付App，即代表可以用雲閃付App支付，
理論上，其他發卡機構的自家電子錢包都能夠用，
以我為例，在實體店用bocpay支付，未試過不接受，
如果大家試過其他錢包不成功的話，
可以在留言分享。

除了實體店購物，雲閃付都支援線上購物，例如美團、京東以及小弟常用的拼多多，
都可以用雲閃付支付，需要先下載雲閃付App，再綁定信用卡，
其實都幾方便，特別是小弟常用的拼多多，雖然本身有支付寶和微信錢包，
但過去兩年銀行都缺錢，又找不到方法上去充錢，
用雲閃付就最方便。

除了購物，官方講銀聯閃付都可以支付交通費，
最常用的公交，即係巴士、地鐵，
以及高鐵、飛機都可以用銀聯銀行產品購票。
不過，雲閃付app內的深圳通乘車碼，
我就開不到，我都聽過其他網友話搞不到。
但銀聯拍卡或拍手機，都可以乘坐深圳地鐵及公交，
雖然比起用深圳通，會貴些少，但都幾方便。

相比兩個支付支台的龍頭，用雲閃付當然有好處和壞處。

好處：
用信用卡過數，不用失充錢
直接扣人民幣，可以回港後用人民幣找卡數，比起相近對手的visa和master卡，不用蝕匯價及手續費
信用卡儲分，以中銀信用卡為例，大約有4-5%消費回贈
銀聯閃付/手機閃付不用機據
市場佔有率較少，比較多優惠
不需要有內地戶口、電話卡，使用門檻較低

壞處：
較少商戶使用，特別是小店
如果無同一間銀行戶口，找卡數會較麻煩

溫馨提示：

第1，提前下載雲閃付App並綁定銀聯卡；

第2，記得開啓手機定位，除了可以方便根據位置查看銀聯優惠外，
在內地掃碼付款時系統會自動顯示中國大陸支付模式的二維碼
（在二維碼上方還有條形碼），
若信號欠佳依舊顯示香港模式的二維碼，也不用擔心支付失敗，
此時只需要手動調整到中國大陸支付模式就可以繼續使用啦。

優惠：

小弟多數用中銀及工行的銀聯信用卡，
中銀比較多優惠。
以中銀雙幣卡 大灣區一卡通 為例，
鑽石卡，如果以bocpay、雲閃付、apple pay 華為pay支付，
可享4%現金回贈，每個月最多100元，
注意，是以港幣回贈，而計回贈時，
每1元人民幣簽賬將當作港幣1元計算
即例如你消費1000元人民幣，將回贈40元港幣，
另外，有關消費亦可以作信用卡儲分，
星期五，用Bocpay購物，用積分抵錢，有8折優惠，
如你持有中銀信用卡超過十年，更可以享有額外8折，
即160分等於1元。即差不4.6%回贈。

而中銀另一網大灣區青年卡
更5%回贈(每月回贈上限HK$100)
不過就要入大灣區青年會及信用卡有閣下的相片。

另外，雲閃付App中有不少電子優惠券給大家搶

大家只需在香港區的界面，選擇銀聯優惠日，入面有不少優惠券給大家搶，
逢星期二、六都有，不過真係好搶手，遲一秒都會被搶完
小弟試過成功的，所以不是呃人。

另外八達通App亦最近新設銀聯二維碼付款，
不過就不是綁信用卡，而是綁八達通錢包，
型式有點與debit卡相似，即日起至2023年3月31日，
新客戶透過八達通App開通八達通銀聯卡，
於推廣期內以八達通銀聯卡於本地或海外累積消費滿$1,000並登記推廣，
可享$100回贈！
即是有九折，都幾好。

最後一個溫馨提示，
小弟用銀聯都係見佢有優惠及回贈。
銀聯在內地使用遠不及支付寶、微信支付普及，
如果北上，提大家都要準備些實體人民幣，
萬一不收銀聯，都可以救一救命，起碼的士都未有雲閃付服務。

_____________________________________

🙏🙏請大家支持：
1. 訂閱「O嘴網動畫」YouTube 頻道    / @omouth  
2. 撳🔔搶先睇
3. 讚好並留言支持
4. 將影片分享開去🙏🙏

#雲閃付 #內地消費