Скачать или смотреть பேச்சு குறைபாட்டை சரி செய்ய உதவும் திருப்புகழ் | Thirupugazh for autism

நம்மில் பெரும்பாலானோர் ஒரு பாதையைத் தேர்ந்தெடுக்கிறோம் என்றால், அந்த பாதைக்கு சில குணங்கள் இருக்க வேண்டும்.

ஒரு தெய்வத்தை வணங்க வேண்டும் என்றால், அந்த தெய்வத்தை வணங்கி அதன் அருளைப் பெற்ற அடியார்கள் நிறைய இருக்க வேண்டும்.
இரண்டாவது – அந்த தெய்வத்தை வணங்கும் அடியார்கள் நம்மைப் போன்றவர்களாக இருக்க வேண்டும்.
மூன்றாவது – மிகுந்த சிரமம் இல்லாமல், எளிதாக அந்த தெய்வம் நமக்கு அருள் செய்ய வேண்டும்.

இந்த அத்தனை தகுதிகளும் ஒரு பாதைக்கு பொருந்தக்கூடிய ஒரே பாதை "முருக பக்தி" என்ற பாதை தான்.

முருக பக்தி என்பது வேறு எந்த வழியையும் விட மிகச் சிறந்தது என்று அருணகிரிநாதர் இந்த திருப்புகழ் 639 ல் கூறுகிறார்.

இன்று நாம் பார்க்க இருக்கக்கூடிய திருப்புகழ், கதிர்காமத்தில் அருணகிரிநாத பெருமான் அருளிச் செய்த அற்புதமான திருப்புகழ்.

இன்றைக்கு நிறைய குழந்தைகள் ஆட்டிசம் என்ற ஒரு வித்தியாசமான குறையினால் பாதிக்கப்பட்டிருப்பது அதிர்ச்சியை அளிக்கிறது. இதற்கு மருத்துவர்கள் பல தீர்வுகளைச் சொன்னாலும், ஆன்மீக ரீதியான தீர்வு என்பது என்னைப் பொறுத்தவரை, அத்தனை நோய்களுக்கும் முருகன் தான் மருந்து. அவன்தான் பவரோக வைத்தியநாத பெருமான்!

அவனுடைய மருந்தாக நமக்கு கிடைத்ததுதான் இந்த அற்புதமான திருப்புகழ்.

ஆட்டிசம் அல்லது பேச்சுக் குறைபாடு உள்ள குழந்தைகளின் தாய்மார்கள் இந்த திருப்புகழை தினமும் இறைவனுடைய திருவடியில் பாராயணம் செய்ய வேண்டும்.
நிச்சயமாக முருகனுடைய திருவருளால் அந்த குழந்தைகளுக்கு மிக விரைவில் பேசக்கூடிய திறனை அளிக்கும் ஞான சரஸ்வதி அருள்வாள் என்பதில் எந்த ஐயமும் இல்லை.

இந்த திருப்புகழின் நுட்பத்தையும் அதன் அழகிய அற்புதத்தையும் பார்ப்போம்!

எந்த எதிர்பார்ப்பும் இல்லாமல் முருகனுடைய அருள் மட்டுமே வேண்டும் என்று நினைத்த அந்திமான் என்ற ராஜா பூஜை செய்ததால், முருகப்பெருமான் வேலோடு காட்சி கொடுத்தான். அதனால் அந்த இடத்திற்கு கதிர்காமம் என்ற பெயர் வந்தது.

“கதிர்” என்றால் வேல். ஆசைகளை நிறைவேற்றும் வேல் உடைய பெருமான் காட்சி கொடுத்த இடம் – அதுதான் அற்புதமான கதிர்காமம்.

முருகப்பெருமானை தினந்தோறும் சரஸ்வதி தேவி பூஜை செய்கிறாள் என்ற உண்மை அருணகிரிநாதருக்கு இந்த திருத்தலத்தில் புலப்படுகிறது.

இந்த உணர்வு மேலிடும்போது, அவருக்கு கர்வம் வருகிறது, ஏன் என்று யோசிக்கிறார்.

அவருக்கு புரிகிறது – எல்லா வழிகளையும் விடவும் சிறந்த வழி இதுதான்.

அப்போது அவர் பாடிய திருப்புகழ்:

எதிரிலாத பக்தி தனைமேவி
இனிய தாழ்நினைப்பை இருபோதும்
இதய வாருதிக்குள் உறவாகி
எனதுளே சிறக்க அருள்வாயே
கதிர்காம வெற்பில் உரைவோனே
கனக மேறு ஒத்த புயல் வீரா
மதுர வாணி உற்ற கலோனே
வழுதி கூண் நிமிர்த்த பெருமாளே!

இது மிகச் சிறிய திருப்புகழ். ஆனால் ஆழ்ந்த தத்துவங்கள் நிறைந்தது.

“எதிரிலாத பக்தி தனை மேவி” – நான் பக்தி என்ற பாதையைத் தேர்ந்தெடுத்திருக்கிறேன். அதுவும் முருக பக்தி. அதற்கு சமமான அல்லது அதைவிட சிறந்த பாதை ஒன்றையும் நான் கண்டதில்லை.

ஆனால், அந்த பாதையில் சென்றாலும் நம்முடைய மனம் சில நேரங்களில் சஞ்சலமாகிறது. இந்த மனச் சஞ்சலம் ஏன் வருகிறது? நம்மால் முழு நினைவையும் முருகன் மீது செலுத்த முடியாததால்.

“இனிய தாள் நினைப்பை இருபோதும்” – நாள் முழுவதும் முருகனின் நினைவு என் இதயத்தில் உறவாக இருக்க வேண்டும் என்று அவர் வேண்டுகிறார்.

“எனதுளே சிறக்க அருள்வாயே” – அதாவது வளர அருள் செய்ய வேண்டும்.

“கதிர்காம வெற்பில் உரைவோனே” – கதிர்காம மலைகாட்டில் நிற்கும் முருகப்பெருமானே!

“கனக மேறு ஒத்த புயல் வீரா” – மேறு மலையைப் போன்ற வலிமைமிக்க தோள்கள் உடைய வீரனே!

“மதுர வாணி உற்ற கலோனே” – இனிமையாகப் பேசும் சரஸ்வதி தேவி தினந்தோறும் முருகனை பூஜை செய்கிறாள். அதனால் முருகனை வணங்குபவர்களுக்கு சரஸ்வதி தேவியின் அருள் தானாக வரும்.

“வழுதி கூண் நிமிர்த்த பெருமாளே” – பாண்டிய மன்னனின் கூனை நேராக்கிய திருஞானசம்பந்தர் வேறு யாருமில்லை; முருகப்பெருமான் தான் என்று அருணகிரிநாதர் பல இடங்களில் கூறுகிறார்.

இந்த திருப்புகழை தினந்தோறும் பாடி, வாக்கு சக்தியை வளர்த்துக் கொண்டு, முருகனின் திருவருளால் அந்த வாக்கு செயலாக மாறி, அந்த செயல் நம் விதியாக மாறட்டும்.

முருகா சரணம்!

#திருப்புகழ்639 #கதிர்காமம்_திருப்புகழ் #கதிர்காமம்_திருப்புகழ்639 #எதிரிலாத_பக்தி_தனைமேவி #எதிரிலாத_பக்தி_திருப்புகழ் #கதிர்காமம்_முருகன் #ஆட்டிசம்_திருப்புகழ் #ஆட்டிசம்_குழந்தைகள்_திருப்புகழ் #பேச்சுக்குறைபாடு_திருப்புகழ் #பேச_வைக்கும்_திருப்புகழ் #வாக்கு_சக்தி_திருப்புகழ் #ஞான_சரஸ்வதி_அருள் #திருப்புகழ்_விளக்கம் #குழந்தைகள்_பேச_திருப்புகழ் #கதிர்காமம்_முருகன்_பாடல் #விஜயகுமார்_திருப்புகழ்_விளக்கம் #விஜயகுமார்_ஆன்மீக_உரை #விஜயகுமார்_ஆட்டிசம்_குழந்தைகள்_வீடியோ

#Thiruppugazh639 #KataragamaThiruppugazh #EdhirilaathaBhakthiThanaimevi #ArunagirinatharThiruppugazh #ThiruppugazhExplanation #ThiruppugazhForAutism #AutismThiruppugazh #AutismPrayerForKids #SpeechDelayPrayer #PrayerForSpeechDelay #SaraswatiBlessings #KataragamaMuruganSong ##Thiruppugazh639Explanation ##Thiruppugazh639VijayakumarVideo #VijayakumarThirupugazhForAutism #DivineKids #VijayakumarThirupugazhVideo