Скачать или смотреть ANAYEDAIWA KUUA KISA KUKATALIWA NA BINTI AKAMATWA

Jeshi la Polisi Mkoa wa Songwe linamshikilia Mkazi wa Makambini Mjini Tunduma, Nehemia Justine Mbukwa mwenye umri wa miaka 23 kwa tuhuma za mauaji ya binti Venesa Buton Bukuku mwenye umri wa miaka 18 na kuuweka mwili uvunguni baada ya binti kumkataa kijana huyo baada ya kumtaka kimapenzi.

Kwa mujibu wa Taarifa ya Kamanda wa Polisi Mkoani Songwe, Theopister Mallya mtuhumiwa huyo amekamatwa Jumatano March 13, 2024, ambapo alikuwa anasakwa na polisi kutokana na mauaji hayo.

Nehemia anatuhumiwa kuhusika na mauaji ya Venesa ambaye mwili wake uligundukika umeuawa na kitu chenye ncha kali shingoni na mwili kukutwa uvunguni huku chanzo cha awali kikidai kuwa ni wivu wa mapenzi.

“Alikuwa anatafutwa kwa kosa la amauaji ya binti aitwaye Venesa Buton Bukuku yaliyotokea jana tarehe 12/03/2024 mchana. Aidha katika mahojiano ya awali mtuhumiwa amekiri kutenda kosa hilo kutokana na wivu wa mapenzi kwamba kwa nini akataliwe na marehemu baada ya kumtongoza” imesema taarifa hiyo