Скачать или смотреть မောင်လေးဆုံးပြီး အလုပ်မလုပ်နိုင်ချိန်မှာ မန်နေဂျာကိုလာဆွယ်တဲ့ မင်းသမီးအကြောင်း ပြောလာတဲ့ဖွေးဖွေး

ပရိသတ်အချစ်တော် ဖွေးစိန်လေးက သူမရဲ့မောင်လေးကိုဆုံးရှုံးလိုက်ရလို့အရမ်းဝမ်းနည်းနေတဲ့အချိန် အနုပညာလောကမှာ မနာလိုသူတွေရဲ့အခုလိုလုပ်ရပ်တွေနဲ့ကြုံတွေ့ခဲ့ရပါတယ်။

တခြားသူလည်းမဟုတ်ဘဲ နာမည်ကြီးမင်းသမီးတစ်ယောက်နဲ့ သူ့ရဲ့အသိုင်းအဝိုင်းက ဖွေးဖွေးရဲ့မန်နေဂျာကိုအတင်းလာလုပြီး ဖွေးဖွေးဆီကနေထွက်လာဖို့အတွက်ကမ်းလှမ်းခဲ့တာဖြစ်ပါတယ်။

ဖွေးဖွေးတစ်ယောက် ဒီလိုပူဆွေးနေရတဲ့ အချိန်မျိုးမှာမှ အနုပညာလောကသားအချင်းချင်း စည်းစောင့်ထိန်းမှုမရှိဘဲ အခုလိုလုပ်လိုက်တာက အရမ်းကိုရုပ်ပေါက်လွန်းပါတယ်။

ဖွေးဖွေးလည်း တော်ရုံတန်ရုံသည်းခံပြီး လူမှုရေးကိစ္စတွေကိုဘာမှမပြောပေမယ့် အရမ်းလွန်လွန်းနေတဲ့ကိစ္စကို ပရိသတ်သိအောင်ရင်ဖွင့်လာခဲ့တာပါ။

​ပြီးခဲ့တဲ့ အကယ်ဒမီပေးပွဲညက ဖွေးဖွေးအတွက်တော့ တစ်သက်မမေ့နိုင်တဲ့ ဝမ်းနည်းစရာ ညတစ်ည ဖြစ်ခဲ့ပါတယ်။

အကယ်ဒမီပွဲတက်ဖို့ နေပြည်တော်ကို ရောက်ရှိနေစဉ်မှာပဲ ရန်ကုန်မှာ ကျန်ရစ်တဲ့ မောင်လေးဖြစ်သူက နှလုံးရောဂါနဲ့ ရုတ်တရက် ခွဲခွာသွားခဲ့တာပါ။

ဖွေးဖွေးနဲ့ မိခင်ကြီးတို့က မောင်လေးရဲ့ နောက်ဆုံးအချိန်ကိုတောင် မမီလိုက်ဘဲ ထွက်ခွာခွင့်ပေးခဲ့ရတဲ့အတွက် ပိုပြီးတောင်ရင်နင့်ခံစားနေရပါတယ်။

လွန်ခဲ့တဲ့ တစ်နှစ်ကမှ ဖခင်ဖြစ်သူကို ဆုံးရှုံးခဲ့ရတဲ့ ဝေဒနာမပြီးဆုံးသေးခင်မှာတင် မောင်လေးကိုပါ ထပ်မံဆုံးရှုံးလိုက်ရတဲ့အတွက် ဖွေးဖွေးက လောကီအလှအပတွေကို စွန့်လွှတ်ပြီး ဆံပင်တွေကို ယောက်ျားလေးပုံစံ အတိုညှပ်ကာ ခံစားချက်တွေကိုပြောင်းလဲနေရတာပါ။

ကိုယ်ဘဝကိုပြန်လည်ရပ်တည်ဖို့အတွက် စိတ်အားတင်းပြီး ကြိုးစားနေရတဲ့အချိန်မှာ ဒီလိုလုပ်ရပ်က ဖွေးဖွေးကိုပိုပြီးဝမ်းနည်းစေခဲ့ပါတယ်။

​ဖွေးဖွေးက အခုလို စိတ်မကောင်းဖြစ်ပြီး အလုပ်တွေ ခေတ္တရပ်နားထားတဲ့ အချိန်မှာပဲ အနုပညာလောကထဲက မင်းသမီးတစ်ဦးက ဖွေးဖွေးရဲ့ အားကိုးရတဲ့ မန်နေဂျာကို သူတို့ဆီမှာ အလုပ်လုပ်ဖို့ လာဆွယ်တရားဟောခဲ့တာ ဖြစ်ပါတယ်။

မသိရင်ဖွေးဖွေးကပဲ အနုပညာအလုပ်တွေကိုတစ်သက်လုံးနားလိုက်မှာမလို့ manager ကအလုပ်မရှိအကိုင်မရှိ ဖြစ်သွားတော့မှလိုလိုနဲ့ ကမ်းလှမ်းခဲ့တာဖြစ်ပါတယ်။

မောင်လေးဆုံးတာ တစ်လတောင် မပြည့်သေးတဲ့အချိန် ဖွေးဖွေးတစ်ယောက် အပူမီးဝိုင်းနေတဲ့ အချိန်မျိုးမှာမှ ဒီလိုလုပ်ရပ်မျိုး လုပ်ရဲတာက လူမှုရေးကျင့်ဝတ် လုံးဝမရှိတဲ့ လုပ်ရပ်တစ်ခုပဲဖြစ်ပါတယ်။

တကယ်ဆိုရင် ဖွေးဖွေးရဲ့ Team အဖွဲ့သားတွေက ဘာစာချုပ်မှမရှိဘဲ မေတ္တာနဲ့သာ ဝန်းရံနေကြတာဖြစ်လို့ ထွက်သွားမယ်ဆိုရင်လည်း ဖွေးဖွေးကမတားပါဘူး။

ဒါပေမဲ့ ဆွေမျိုးညီအစ်မအရင်းလိုဘေးမှာရှိနေတဲ့သူကိုမှလာပြီး ဒီလိုလုယူဖို့ ကြိုးစားတာကြောင့် ဖွေးဖွေးနဲ့ သူမရဲ့မန်နေဂျာတို့က တည်ငြိမ်စွာနဲ့ပဲ ပြုံးပြီး ကျော်ဖြတ်နိုင်ခဲ့ပါတယ်။

​လက်ရှိမှာတော့ ဖွေးဖွေးက တစ်ယောက်တည်း ကျန်နေခဲ့တဲ့ မိခင်ကြီးကို အနီးကပ်ပြုစုစောင့်ရှောက်ဖို့အတွက် ရှူတင်ရိုက်ကွင်းတွေနဲ့ အနုပညာအလုပ်တွေကို ခေတ္တရပ်နားထားဖို့ ဆုံးဖြတ်ထားပါတယ်။

အလုပ်တွေကို တာဝန်ကျေကျေ ပြည့်ပြည့်စုံစုံလေး ဆက်လုပ်ဖို့ ဖွေးအတွက် အချိန်တစ်ခု နားဖို့လိုနေရုံပါ လို့ သူမက ဆိုပါတယ်။

ဒါပေမဲ့ သူမဟာ လုံးဝပြိုလဲသွားတာ မဟုတ်ဘဲ အချိန်တစ်ခုထိ စိတ်ဖြေဖျောက်ပြီးရင်တော့ ပရိသတ်တွေရှေ့ကို အနုပညာအလုပ်တွေနဲ့ ပြန်လာဦးမှာ ဖြစ်ပါတယ်။

သစ်တံခါးဆရာတော်ကြီးရဲ့ တရားတော်တွေကို နာယူရင်း စိတ်ခွန်အားတွေ ပြန်လည်ဖြည့်တင်းနေတဲ့ ဖွေးဖွေးတစ်ယောက်မကြာခင်မှာ အရင်လိုတောက်ပတဲ့ပုံစံမျိုးနဲ့ အနုပညာလောကကိုပြန်လည်ရောက်ရှိလာနိုင်မှာပါ။

​ဒါပေမဲ့အဲဒီအချိန်အထိတောင်မစောင့်နိုင်ဘဲ သူတပါးနာရေးကိစ္စတွေနဲ့ပူပန်နေရတဲ့အချိန် မန်နေဂျာကိုအတင်းလာလုပြီး ကျင့်ဝတ်မရှိတဲ့လုပ်ရပ်တွေလုပ်ခဲ့တဲ့မင်းသမီးက ဘယ်သူများဖြစ်လိမ့်မယ်လို့ပရိသတ်ကြီးတို့ထင်လဲဆိုတာ ပြောပြခဲ့ပါဦးနော်။