صديق احمد - روعة السفر التوفيق السياحي

صديق احمد اغاني طمبور
كلمات الشاعر ...عبد الله محمد خير
خلاس أنا هبت رياحي وصفالي زمان ارتياحي
الزاد لي سهري ونواحي القام بالتوفيق السياحي
من عند الفاتح قيامو ختم ورقو واخد تمامو
يا ربي تبارك ايامو وتعدل الخطوة قدامو
سمح توقيتو الصباحي مريح سفرك كالسباحي
منع غنايو النباحي وسمحلو الغزل الاباحي
توكل وبالحاميه نشَّ دقايق في قبولي خشَّ
لقى الخلا ماخلدو رشَّة وكسح بالنور والمنشَّة
سرح زي ظبي الضواحي السرح بين الوديان وواحي
كفاي يا نوح من نواحي وأزاي من عدة نواحي
تعاين فى الكرسى واحد تآمن بى الله واحد
تشوف الفى زمانو واحد عيارعشرين فوقو واحد
رقيق الزول وإنفتاحى وشفيف ذى زهر الاقاحى
معاهو أن لوأجد صراحى تكون إندملت جراحى
رزاز والنسام ربيعي تجمَّل وخليك طبيعي
نكوس في الفرص الوسيعي سواقنا طوابنا الوسيعي
سرت فى جسمى نتاحى خلتنى أشرك وأحاحى
بقيت غبيان مانى صاحى وده شيتا مو شيت نصاحى
يلقط يوت في النوادر يشيل ويودي البنادر
مخيَّر عاد والله قادر هن ماهن شبه الدرادر
وأنا لانى برعى ولانى ماحى أنا إتخصص فى السماحى
بصيبرة عيونى لماحى وتصيب مابتخيب رماحى
تعاين في الكرسي واحد تامن بي الله واحد
تشوف الفي سماهو واحد عيار عشرين فوقوا واحد
رقيق الزول في الصباحي شفيف زي قمر الاضاحي
معاهو انا لو اجد صراحي تكون اندملت جراحي
نكتِّر لله الحَميدي الضهر حاضر في الحِميدي
رحلات التوفيق سعيدي قربت للناس البعيدي
يا الزباينك واسع نطاقا عشان تصلك بازلي طاقا
بقى حجزك بالبطاقة في ترحيلات الصداقة
السواقة وراثة ودراسة مو جربنديِّ وعواسة
رزانة وحكمة وفراسة ودي ود ابزيد كان اساسا
القيادة محكِّم نظاما ذوق وأدب واستقاما
بقت في بوريك علامة بركة الجيت بالسلامة