Müasir dövrdə kimlik axtarışları \ Ramazan Əsgərli - Tural Cəfərov

Müasir dövrdə kimlik axtarışları daha da genişlənmiş və mürəkkəb bir forma almışdır. Və bəşəriyyətin bu günkü tarixinə baxdıqda görürük ki, onun gələcəyi yaxud hazırda baş verən proseslər bir çox hallarda kimliklərin savaşı, kimliklərin mübarizəsidir.

İnsanın kimliyinin olması zəruridir və təbii ehtiyacdır. Lakin bu kimlik daşlaşdığı və ehkamlaşdığı halda təəssübkeşliyə səbəb olur. Beləliklə, kimlik məsələlərində ehkamçılıq və sərtlik müəyyən münaqişələri ortaya çıxarır.

Söhbət boyunca kimlik anlayışının tarixi inkişafına baxmaq, onun bir qədər nisbiliyini və eyni zamanda dəyişkən olduğunu nəzərə almağın vacibliyi vurğulanır. Çünki əgər bütün konsepsiyalar, anlayışlar cəmiyyətə və insana aiddirsə, cəmiyyət və insan eyni zamanda münasibətlər daim inkişaf edərək dəyişirsə kimlik anlayışının da dəyişməsi qaçınılmazdır. Kimlik anlayışı sərt ola bilməz, əgər sərt olarsa münaqişə ilə nəticələnər.

Daha sonra isə kimlik məsələsi tarixi perspektivdə qiymətləndirilir. Tarixə tamamilə elmi metodoloji yanaşmanın orada konstruktiv prosesləri əsas götürməyin nəinki destruktiv hadisələri, ictimai-siyasi formasiyalar və onların arasında bir proqressiv və birləşdirici xətti əsas götürməyin və bu məsələlərə elmi paradiqmayla yanaşmanın zəruriliyi qeyd edilir.

Sonda isə bəşəriyyətin əsl kimliyini qəbul etməsi, müxtəlifliyin bir təhdid olmadığı ətrafında müzakirələr davam etdirilir.