HG: Jokrama yssyda ilatyň elektrik üpjünçiligi yzly-yzyna kesilýär

Şu günki programmamyzda:

Türkmenistanda onkologiýa keseline uçran raýatlaryň sany köp bolmagyna galýar. Paýtagtyň keselhanalarynda günde ýüzlerçe adamyň nobata durandygyny görse bolýar. Azatlygyň paýtagtdaky habarçylary keselhanalardaky ýagdaý we bejergi almak üçin şertler barada habar berýärler.

Şu günler Türkmenistanyň köp sebitinde howanyň temperaturasy gündizlerine kölegede 40 gradusdan aşýan mahaly, ilat yzygiderli elektrik kesilmeleri bilen ýüzbe-ýüz bolýar. Tok üpjünçiligindäki bökdençlikleriň ilatyň gündelik durmuşynda döredýän kynçylyklary barada Azatlyk Radiosynyň habarçylary 2-nji iýulda Lebap we Ahal welaýatlaryndan maglumat berdiler.

Wengriýanyň premýer-ministri Wiktor Orban Ukrainanyň prezidenti Wolodymyr Zelenskä Moskwanyň giň gerimli urşa başlamagy netijesinde iki ýyldan gowrak wagt bäri dowam edýän söweşe arakesme bermek maksady bilen atyşygy bes etmek teklibini edendigini aýtdy.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar