СУСИНГЕН КӨЛІНЕ АТПЕН САЯХАТ 2023 / ОЗЕРО СУСИНГЕН 2023

Описание к видео СУСИНГЕН КӨЛІНЕ АТПЕН САЯХАТ 2023 / ОЗЕРО СУСИНГЕН 2023

Сырға толы Сусіңген көлі – Өгем тауының інжу-маржаны. Көл 2 мың метрдей биіктікте Сайрам-Өгем мемлекеттік ұлттық табиғи паркінде орналасқан. Таңғажайыбы сол, жаз сайын 3,5 мың шаршы метрлік су жерге сіңіп кетеді. Оның орнында жасыл желек пайда болады. Ал сәуір келе, еріген қар мен көктемгі су тасқынынан көл қайта толады.

Бұл құбылыс жылдың тек бір мезгілінде болатыны үлкен жұмбақ. Содан шығар, ел арасында көлге қатысты сан түрлі аңыз тараған. Біреулер су Шымкент қаласының ортасындағы Қошқарата өзеніне құйылады немесе Қазығұрт тауының етегіндегі Ақбура бұлағына «айналады» десе, енді бірі Сусіңген жер астындағы шұңқырлар мен үңгірлерге «құйылады» дегенді алға тартады.

Табиғат өз кереметін жасыратындай, көлге жету қиын. Шымкенттен 70 шақырым қашықтықтағы Біркөлік шатқалы арқылы бару ең оңай жол. Бұл демалыс аймағы облыс орталығына жақын, сол себепті, туристер дәл осы бағытпен барады. Жаяу жүргіншілер көпірден, еріген қар суынан аққан тамшы астымен және табиғаттың тағы бір құпиясы – сталактитті және «Сусіңген» атты жер асты үңгірлерінен өтеді.

Сусіңген оған жеткен жанға көз тоймайтын әсем көрініс сыйлайды. Суға шомылып, балық аулауға қолайлы жерде жан мен тән демалады. Сусіңгеннің солтүстігінде өзімен аттас өзен бар, онда осман балығы тіршілік етеді. Жергілікті тұрғындардың айтуынша, бұл осында мекендейтін жалғыз балық, одан дәмі тіл үйіретін тамаша тағам әзірлеуге болады. Бұл жер туризмнiң бiр емес, бiрнеше саласын қатар дамытуға сұранып-ақ тұрғандай.

Комментарии

Информация по комментариям в разработке