Скачать или смотреть 姜濤生日收工現身銅鑼灣被姜糖重重包圍丨Edan肥仔Stanley強吻壽星仔丨田木集作

姜濤生日收工現身銅鑼灣被姜糖重重包圍丨Edan肥仔Stanley強吻壽星仔丨田木集作

姜濤4月30日正日生日要為劇集《季前賽》開工，喺工作中度過23歲生日，不過公司都好好，畀佢早啲收工，趕及12點前回家同媽咪一齊慶祝。

星期六晚接近11點，姜濤喺IG開直播，當時佢坐喺車，準備喺SOGO對出馬路落車，未知佢原意係咪想去打打卡，直播片影住佢落車一刻，戴住口罩同埋用衫嘅帽笠住自己嘅姜濤，行咗十步左右就畀姜糖發現，接住嘅當然瘋狂嘅尖叫聲同歡呼聲啦，現場姜糖仲為姜濤唱生日歌，但同時間亦聽到工作人員不停叫大家小心，又叫大家要返歸喇，以及不停提醒話「跌喇跌喇」、「小心踩到人呀」，片段一度無聲變咗靜音，只見到姜濤俾姜糖重重包圍，個個舉住手機係咁影，最後姜濤就調頭跑番上車，司機亦隨即開車離開，同時間直播亦結束埋添！

不過，凌晨12點左右，姜濤亦有更新IG，佢留言寫：「今天收到大家無數生日祝福，真心感恩、感謝！由於今年生日是在工作中度過，所以很抱歉未能一一回覆各位朋友的訊息。」

「十胎終於面世，感覺如釋重負，辛苦背後團隊每一位的努力！關於這一胎，我之後會再詳細跟大家分享感受。今年最大的生日願望：世界和平⭐️」

除咗姜濤受歡迎，姜媽媽受歡迎程度亦唔畀阿仔遜色，姜媽媽昨午現身銅鑼灣返回寓所時亦一度群情洶湧，甚至有人大叫姜媽媽做「奶奶」，而姜媽媽步入寓所大廈前，先站在門口答謝大家的支持。

事實上，昨日銅鑼灣、尖沙嘴一帶都充滿濃濃嘅節日氣氛，周圍都喜氣洋洋，而一眾姜糖為慶祝呢個特別日子，相信今日都應該好忙碌，銅鑼灣百德新街一帶全日企滿人，有人喺應援大螢幕下打卡，有人駐足等「姜濤號」經過，連姜濤媽媽，噚日亦同姜濤嘅幼稚園校長一齊去咗皇室堡「視察」，唔少姜糖發現姜媽媽身影都爭相影合照。

至於姜濤幾位好兄弟，包括ERROR成員兼姜濤恩師梁業（肥仔）、MIRROR好兄弟呂爵安（Edan），仲有邱士縉（Stanley）就同佢一齊開住工過生日，肥仔同Edan仲分別喺IG上載劇組為姜濤慶祝生日，以及Edan、Stanley同肥仔強吻姜濤嘅短片，十分之搞笑。

=========================
田木集作丨娛樂丨專訪丨專題丨飲食丨生活丨資訊
YouTube－Subscribe 🛎️🗣️
Facebook－Like ❤️ Follow 🏃🏻🏃🏻
Instagram－Follow 🏃🏻🏃🏻
==========================
#姜濤生日 #姜濤誕 #生日應援 #第十胎 #派新歌 #呂爵安 #Edan #邱士縉 #Stanley #肥仔 #梁業 #田木集作 #touchwoodTV