Скачать или смотреть "Sublimation: Modern ritmlarda" - Фильм «Sublimation: Модерн в ритмах»

"Sublimation: Modern ritmlarda" filmi ikki yosh rejissyor — Asadbek Egamberdiyev va Muxlisa Habibullayeva tomonidan, TBC Bank ko‘magida, suratga olingan.

Film haqida rejissyorlarning o‘zlari aytib bergani yaxshi. So‘z Muxlisaga.

"O‘tmishning temir va betondan bunyod etilgan ulug‘vor binolarining urbanistik qiyofasi. Texnologiyalar va elektronika. O‘nlab qo‘llar yordamida yaratilgan, biroq o‘ziga yagona ruhni singdirgan fazoviy kompozitsiyalar.

Bir qarashda bu yerda bog‘liqlik yo‘qdek, biroq u, shubhasiz, mavjud. Ularni san’at hamda unga madaniy qadriyatlarimiz nuqtai nazaridan qarash birlashtiradi. "Sublimation" elektron musiqa festivali esa bu qadriyatlar markaziga aylandi.

"Sublimation: Modern ritmlarda" — bu O‘zbekiston va Yevropaning turli burchaklaridagi san’atkorlar haqida hikoya qiluvchi hujjatli film. Ammo ularning barchasi san’atda o‘z o‘rnini topib, o‘zbek xalqining qalbidan alohida joy olgan".