Скачать или смотреть पुण्याचा पारा घसरला, महाबळेश्वरपेक्षाही गारठा; पुढील काही तासांत थंडी वाढणार | Pune Weather

पुण्यात अखेर थंडीने जोरदार आगमन केले आहे. शहराचा पारा थेट साडेतेरा अंशांवर घसरल्याने पुणेकर चांगलेच कुडकुडले आहेत. विशेष म्हणजे, थंड हवेचे ठिकाण म्हणून ओळखल्या जाणाऱ्या महाबळेश्वरपेक्षाही पुण्यात सध्या जास्त थंडी असून, महाबळेश्वरचा पारा १९ अंशांवर आहे. टाइम्स ऑफ इंडियाच्या वृत्तानुसार, हवेली परिसरात सर्वात कमी १३.५ अंश सेल्सिअस तापमानाची नोंद झाली आहे. गेल्या आठवड्यापर्यंत पावसाळी वातावरण अनुभवल्यानंतर पुणेकरांना आता खऱ्या अर्थाने हिवाळ्याची चाहूल लागली आहे. हवामान खात्याच्या अंदाजानुसार, पुढील काही दिवसांत किमान तापमानात आणखी घट होण्याची शक्यता आहे. त्यामुळे वाढत्या थंडीचा आनंद घेण्यासाठी पुणेकर सज्ज झाले आहेत.

#PuneWeather #PuneWinter #ColdWave #MaharashtraWeather #WeatherUpdate #Pune #Mahabaleshwar #TemperatureDrop #SaamTV #SaamTVNews #PuneNews #WinterIsHere #SachinJadhav