Скачать или смотреть திருப்பூர் மாவட்டம் காங்கேயம் அருகே காத்தாங்கண்ணி கிராமத்தில் தாழ்த்தப்பட்ட அருந்ததிய மக்கள் 21.....

திருப்பூர் மாவட்டம் காங்கேயம் அருகே காத்தாங்கண்ணி கிராமத்தில் தாழ்த்தப்பட்ட அருந்ததிய மக்கள் 21 நபர்களுக்கு வீட்டுமனை பட்டா வழங்க தேர்வான நிலையில், அதில் 11 நபர்கள் நீக்கம் செய்யப்பட்டு சட்டவிரோதமாக ஆளும் கட்சி திமுகவினர்கள் இலவச வீட்டு மனை பட்டா வழங்க வருவாய் துறை அதிகாரிகள் முயல்வதாக கிராம மக்கள் குற்றச்சாட்டு.

அடையாளமாக விளங்கக்கூடிய ஆதார் அட்டை, குடும்ப அட்டை உள்ளிட்ட அரசு ஆவணங்களை ஆட்சியரிடம் வழங்க உள்ளதாக வேதனை.



திருப்பூர் மாவட்டம் பாலசமுத்திரம் புதூர் ஊராட்சிக்கு உட்பட்ட கத்தாங்கண்ணி கிராமத்தில் வசித்து வரும் தாழ்த்தப்பட்ட அருந்ததியர் மக்களுக்கு 21 நபர்களுக்கு இலவச வீட்டு மனை பட்டா வழங்க தேர்வு செய்யப்பட்டு அவர்களுக்கு பட்டா வழங்கப்படும் என வருவாய் துறை சார்பில் கிராம நிர்வாக அலுவலர் தெரிவித்திருந்த நிலையில் திடீரென இதில் 11 நபர்களுக்கு பட்டா வழங்க இயலாது என வருவாய் துறை அதிகாரிகள் தெரிவித்துள்ளனர் இதனுடைய இந்த 11 தாழ்த்தப்பட்ட அருந்ததி மக்களுக்கு பதிலாக ஆளுங்கட்சி திமுகவை சேர்ந்த 11 நபர்களை இணைத்து அவர்களுக்கு
தமிழ்நாடு பூமிதான வாரியத்திற்கு சொந்தமான நிலத்தில் இலவச பட்டா வழங்குவதற்கு,காங்கேயம் வட்டாட்சியர் சட்டத்திற்கு புறம்பாக ஆளும் கட்சியினருக்கு சாதகமாக பட்டா வழங்குவதற்கு நடவடிக்கை எடுத்து வருகின்றனர்,வீடு இல்லாத ஏழையடி மக்களான தாழ்த்தப்பட்ட அருந்ததிய மக்களுக்கு பதிலாக சொந்த வீடும் நிலமும் இருக்கக்கூடிய ஆளுங்கட்சி நபர்களுக்கு இந்த இலவச வீட்டு மனை பட்டாவை வழங்க நடவடிக்கை எடுத்து வரும் காங்கேயம் தாசில்தாரை கண்டித்தும், சட்டத்திற்கு புறம்பாக தமிழ்நாடு அரசு பூமிதான நிலத்தை பிரித்து பட்டா வழங்குவதை தடை செய்ய வேண்டும் என்று வலியுறுத்தியும்,இது போன்ற சட்ட விதிவீரலில் ஈடுபடும் நபர்கள் மீது நடவடிக்கை எடுக்க வேண்டும் என வலியுறுத்தியும் காத்தாங்கண்ணி கிராமத்தைச் சேர்ந்த 30-க்கும் மேற்பட்ட கிராம மக்கள் திருப்பூர் மாவட்ட ஆட்சியர் அலுவலகத்தில் நடைபெற்ற மக்கள் குறை தீர்ப்பு நாள் கூட்டத்தில் மாவட்ட ஆட்சியரிடம் மனு வழங்கினர்,
தொடர்ந்து செய்தியாளர்களிடம் கூறிய கிராம மக்கள் .

ஏழை எளிய கூலி தொழிலாளியாக வசிக்கக்கூடிய தாழ்த்தப்பட்ட அருந்ததிய மக்களுக்கு இலவச வீட்டுமனை பட்டா வழங்க 21 தேர்வு செய்தவர்களை ஒதுக்கி வைத்து விட்டுசட்ட விரோதமாக ஆளுங்கட்சி திமுகவை சேர்ந்த 11 நபர்களுக்கு இலவச வீட்டு மனை பட்டா வழங்க வருவாய்த்துறை அதிகாரிகள் நடவடிக்கை எடுத்து வருகின்றனர் இதுபோன்ற சட்டத்திற்கு புறம்பான செயலாகும், இத்தகைய நபர்கள் மீது மாவட்ட நிர்வாகம் நடவடிக்கை எடுக்க வேண்டும் இல்லையெனில் தங்களது அடையாளமாக விளங்கக்கூடிய வாக்காளர் அடையாள அட்டை, ரேஷன் கார்டு ஆவணங்களை ஆட்சியரிடம் தந்துவிட்டு செல்வதாகவும் வேதனையை வெளிப்படுத்தினர்,