Скачать или смотреть సెంట్రల్ జైలు దగ్గర మీడియాతో మాజీ ఎంపీ భరత్ రామ్

కక్షపూరితంగానే మిథున్ రెడ్డి అరెస్టు

సౌకర్యాల కల్పనపై రివ్యూ పిటిషనే దానికి నిదర్శనం

జగన్ హయాంలో మద్యం ఆదాయం పెరిగితే, అవినీతి ఎక్కడ జరిగింది

ప్రభుత్వ తప్పులకు భవిష్యత్తులో మూల్యం చెల్లించక తప్పదు



మిథున్ రెడ్డితో ఆయన భార్య లక్ష్మీ దివ్య, కుమారుడు జస్విన్ రెడ్డి ములాఖత్

రాజమహేంద్రవరం, జూలై 26: కేవలం కక్షపూరితంగానే మిథున్ రెడ్డి అరెస్టు జరిగిందని వైయస్ఆర్ సీపీ రాష్ట్ర అధికార ప్రతినిధి, మాజీ ఎంపీ మార్గాని భరత్ రామ్ ఆరోపించారు. సౌకర్యాలు కల్పించాలంటూ వేసిన పిటిషన్ పై ఇచ్చిన ఆదేశాలపై ప్రభుత్వం రివ్యూ పిటిషన్ వేయడాన్ని బట్టి ప్రభుత్వం కక్ష పూరితంగా వ్యవహరిస్తున్నట్టు అర్ధం అవుతోందని అన్నారు. మిథున్ రెడ్డి భార్య లక్ష్మీ దివ్య, కుమారుడు జస్విన్ రెడ్డి ఈరోజు ఉదయం సెంట్రల్ జైలులో మిథున్ రెడ్డితో ములాఖత్ కి వెళ్లారు. ఈసందర్బంగా సెంట్రల్ జైలు దగ్గర శనివారం ఉదయం భరత్ మీడియాతో మాట్లాడుతూ రివ్యూ పిటిషన్ వేసి అక్కడున్న సౌకర్యాలను తీసేయాలని చూడడం దారుణమన్నారు. అసలు ఎందుకింత కక్ష అన్నారు. పెద్దిరెడ్డి రామచంద్రారెడ్డి తో 40ఏళ్లుగా చంద్రబాబుకి వైరం ఉండొచ్చు, అది అడ్డం పెట్టుకుని కొడుకుని ఇలా ఇబ్బంది పెట్టి ఆనందం పొందుతున్నారా అని భరత్ ప్రశ్నించారు. చివరకు మిథున్ రెడ్డి భార్య, పిల్లలు కలవడానికి వస్తే కూడా ఏదోరకంగా ఆపే ప్రయత్నం చేస్తూ వచ్చారని భరత్ పేర్కొన్నారు. ప్రజాస్వామ్యంలో ఇది మంచి విధానం కాదన్నారు.
అసలు ప్రభుత్వ మద్యం పాలసీలో నష్టం ఎక్కడ వచ్చిందని భరత్ ప్రశ్నించారు. మద్యం విషయంలో గత ప్రభుత్వం ఎక్కడా అవకతవకలు జరగలేదన్నారు. 2019లో చంద్రబాబు ప్రభుత్వం దిగిపోయేసరికి రూ.18వేల కోట్ల మేరకు మద్యం ద్వారా ఆదాయం ఉండేదని, అదే జగన్ ప్రభుత్వం దిగిపోయే నాటికి రూ.25వేల కోట్లకు ఆదాయం పెరిగిందని భరత్ పేర్కొన్నారు. 7వేల కోట్ల ఆదాయం పెరిగితే ప్రభుత్వానికి ఎక్కడ నష్టం వచ్చిందని ఆయన అడిగారు. రూ. 3,200కోట్లు అవినీతి జరిగిందని ఏవిధంగా నిరూపిస్తారని భరత్ ప్రశ్నించారు. అసలు ఏ డిస్టిలరీ వాళ్ళు పిర్యాదు చేశారన్నారు. కొంతమందిని ఎంచుకుని చిత్రహింసలు పెట్టి తప్పుడు వాంగ్మూలాలు ఇప్పించి, ఏదో ఒకవిధంగా ఇరికించే ప్రయత్నం చేస్తున్నారని ఆయన విమర్శించారు. జగన్ ప్రభుత్వంలో.. ప్రభుత్వం మద్యం పాలసీ ద్వారా విక్రయాలు చేసినపుడు అవినీతికి ఆస్కారం ఎక్కడ అని భరత్ ప్రశ్నించారు. 2019కి ముందు చంద్రబాబు ప్రభుత్వంలో డిస్టిలరీలకు ప్రివిలేజ్ ఫీజు తగ్గింపు చేయడం వలన ప్రభుత్వ ఖజానాకు రూ. 3,000 కోట్లు నష్టం వచ్చిందని అన్నారు. అది కదా స్కామ్ అంటే, అదికదా క్విడ్ ప్రోకో అంటే అని భరత్ పేర్కొన్నారు. మరి జగన్ అమలు చేసిన విధానంలో ప్రభుత్వానికి నష్టం లేదు సరికదా, ఆదాయం రూ. 7వేల కోట్లు పెరిగిందని ఆయన అన్నారు. ఇవన్నీ ప్రజలు అంతా గమనిస్తున్నారన్నారు. ప్రభుత్వం చేస్తున్న తప్పులకు కచ్చితంగా భవిష్యత్తులో మూల్యం చెల్లించుకోవాల్సి ఉంటుందని భరత్ అన్నారు.