Скачать или смотреть ឯ.ឧ ជួន ណារិន្ទ ចាត់តំណាងទទួលជួបគណៈប្រតិភូក្រសួងសន្តិសុខសាធារណៈវៀតណាម និងគណៈប្រតិភូឡាវ

រាជធានីភ្នំពេញ ៖ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅរសៀលថ្ងៃ១៩ ខែវិច្ឆិកា ឆ្នាំ២០២៥ លោកឧត្តមសេនីយ៍ទោ ហម វ៉ាន់ថា ស្នងការរងផែនការងារអត្តសញ្ញាណកម្ម តំណាង ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ អញ្ជើញទទួលជួបគណៈប្រតិភូក្រសួងសន្តិសុខសាធារណៈ នៃសាធារណរដ្ឋសង្គមនិយមវៀតណាម និងគណៈប្រតិភូក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ មកបំពេញទស្សនកិច្ចការងារ ដើម្បីផ្លាស់ប្ដូរបទពិសោធន៍ និងចែករំលែកលើការងារអនុវត្តប្រចាំថ្ងៃលើការចុះបញ្ជី និងការគ្រប់គ្រងការងារស្នាក់នៅតាមប្រព័ន្ធបច្ចេកវិទ្យាឌីជីថល នៅអធិកាដ្ឋាននគរបាលខណ្ឌដង្កោ។
នៅក្នុងពិធីនេះ ក៏ទទួលបានការអញ្ជើញចូលរួមផងដែរពីសំណាក់លោកវរសេនី យ៍ឯក ជឹម ស៊ីថា អធិការនគរបាលខណ្ឌ ដង្កោ អស់់លោក-លោកស្រីជាអធិការរង និងលោកវរសេនីយ៍ត្រី តុន ម៉ូនី ជានាយ នគរបាលប៉ុស្តិ៍រដ្ឋបាលដង្កោ។
លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានមានមតិស្វាគមន៍ទៅកាន់គណៈប្រតិភូថា៖ ដោយមានការអនុញ្ញាតពីឯកឧត្តម នាយឧត្តមសេនីយ៍អគ្គស្នងការនគរបាលជាតិ និងក្រោមការដឹកនាំដោយផ្ទាល់ពីឯកឧត្តម ឧត្តមសេនីយ៍ ឯក ជួន ណារិន្ទ អគ្គស្នងការរង និងស្នងការនគរបាលរាជធានីភ្នំពេញ ថ្ងៃនេះអធិការដ្ឋាននគរបាលខណ្ឌដង្កោ មានកិត្តិយសដ៏ឧត្តុង្គឧត្តមប្រកបដោយក្តីសោមនស្សរីករាយដែលបានរៀបចំពិធីទទួលគណៈប្រតិភូក្រសួងសន្តិសុខសាធារណៈ មកពីសាធារណរដ្ឋសង្គម និយមវៀតណាម និងគណៈប្រតិភូក្រសួងសន្តិសុខសាធារណៈ មកពីសាធារណៈប្រជាធិបតេយ្យប្រជាមានិតឡាវ ដែលអញ្ជើញមកទស្សនកិច្ចផ្លាស់ប្ដូរបទពិសោធន៍និងចែករំលែកលើការងារចុះបញ្ជីនិងគ្រប់គ្រងការស្នាក់នៅតាមប្រព័ន្ធបច្ចេកវិទ្យាឌីជីថល។ លោកវរសេនីយ៍ឯកអធិការខណ្ឌដង្កោក្នុងនាមគណៈអធិការ និងកងកម្លាំងនគរបាលខណ្ឌដង្កោទាំងអស់ បានសម្តែងនូវក្តីសោមនស្សរីករាយ និងថ្លែងអំណរគុណយ៉ាងជ្រាលជ្រៅបំផុតចំពោះលោកឧត្តម សេនីយ៍ទោប្រធាននាយកដ្ឋានស្ថិតកប្រជាពលរដ្ឋ នៃអគ្គនាយកដ្ឋានអត្តសញ្ញាណកម្ម និងលោកឧត្តមសេនី យ៍ទោស្នងការរង អស់លោក-លោកស្រីភ្ញៀវកិត្តិយស និងសមាជិក-សមាជិការ ដែលបានផ្ដល់កិត្តិយសអញ្ជើញចូលរួមជាគណៈអធិបតីដ៏ខ្ពង់ខ្ពស់ក្នុងអង្គពិធីនាពេលនេះ។
បន្ទាប់ពីជួបសន្ទនាគ្នានៅក្នុងសាលប្រជុំនៃអធិដ្ឋាននគរបាលខណ្ឌដង្កោ លោកវរសេនីយ៍ឯក ជឹម ស៊ីថា ក៏បានអញ្ជើញក្រុមគណៈប្រតិភូទាំងពីរប្រទេសចុះពិនិត្យដោយផ្ទាល់នៅការិយាល័យអត្រានុកលដ្ឋានសាលាសង្កាត់ដង្កោ និងប៉ុស្តិ៍រដ្ឋបាលដង្កោ៕