Скачать или смотреть Shahodatnoma yoʼqotdingizmi? My.gov.uz 5 kunda topib beradi!

Xabaringiz bor, joriy yilning 1-iyulidan eʼtiboran xalq taʼlimi tizimida yana bir davlat xizmati ishga tushirildi!
Endilikda, my.gov.uz portali orqali ariza berib, 5 kun ichida turli sabablarga koʼra yoʼqolgan yoki yaroqsiz holga kelgan shahodatnomalarning dublikatini olish mumkin.
Arizangiz siz o'qigan ta'lim tashkilotiga to'gri yetib borishi uchun oʼquv muassasasi joylashgan hudud, tuman va ta'lim olgan muassasa raqami aniq kiritilishi zarur.
Murojaatingiz Yagona portal orqali yuborganingizdan so'ng, siz belgilagan tuman yoki shahar xalq taʼlimi boʼlimlariga, ular orqali esa taʼlim tashkilotlariga avtomatik tarzda yuboriladi.
Taʼlim tashkilotlari arxiv hujjatlari asosida shahodatnoma dublikatini tayyorlab tuman yoki shahar xalq taʼlimi boʼlimiga elektron tarzda yuborishadi.
QR-kod qoʼyilgan va asliga tenglashtirilgan dublikat talabgorga my.gov.uz orqali elektron tarzda uning shaxsiy kabinetiga yuboriladi.
Shahodatnomaning dublikatini “Mening arizalarim” boʼlimidan mutlaqo bepul yuklab olishingiz mumkin.
Taʼlim tashkilotlari arxividan shahodatnoma ma'lumotlaringizni topish bilan bogʼliq muammoli vaziyatlarda dublikatni berish yana 5 kun uzaytiriladi.
Arizani toʼldirishda ayrim xatolarga yoʼl qoʼyilganda yoki avval olingan dublikat uchun qayta ariza yuborilgan hollardagina rad javobi kelishi mumkin.
Eslatib oʼtamiz, shahodatnoma dublikati yuklab olinganidan keyin ham tizimdan oʼchib ketmaydi va zarurat tugʼilganda uni shaxsiy kabinetingizdan qayta yuklab olish imkoniyati mavjud!


Xabar.uz 2022
Telegram: https://t.me/xabaruzofficial
Twitter: twitter.com/xabaruzofficial
Facebook:   / xabar.uz  
Instagram: instagram.com/xabar.uz