Скачать или смотреть බෝග වල මල් හැලෙන්නේ ඇයි? හේතු 5 ක්

මේ විඩියෝ එකෙන් කතා කරන්නේ බෝග වගාවේ දී මල් හැලෙන්න‍ෙ ඇයි කියන කාරනය
මුලින්ම බලමු මලක් කියන්නෙ මොකද්ද කියලා.
ශාකයේ ඊලග පරම්පරාව ඉදිරියට ගෙනියනවද නැද්ද කියලා තීරණය කරන මූලික සාධකය තමයි මල.
ඒ කියන්නේ මලක් හට ගෙන පරාගනය වෙලා හට ගන්නා ඵලයේ අඩංගු බීජ තමයි ඒ ශාකයේ ඊලග පරම්පරාව තීරනය කරන්නෙ
එතකොට ගෙඩියක් කියන්නෙ ඒ ශාකයේ දරුවා වගේනේ,
එහෙම ගෙඩියක් හැදෙන මලක් ගහෙන් හලනවා කියන්නෙ ඒ ශාකයට මොකක් හරි ප්‍රශ්නයක් තියෙන්න ඕන.
විද්‍යාත්මකව ඒ ප්‍රශ්නය හොයා ගෙන ඒ ප්‍රශ්නයට විසදුම් ලබා දෙනවා වෙනුවට විවිධ දියර පොහොර වර්ග, පලිබෝධනාශක‍, හෝමෝන වර්ග ශාකයට අනවශ්‍ය ලෙස ලබා දීමෙන් ඔයාගේ ප්‍රශ්නය විසදෙන්නෙ නෑ
ආරක්ෂිත ගෘහ බෝග වගාවේ දී වගේම විවෘත ක්ෂේත්‍ර වගාවේ දී පොදු ගැටලුවක් වෙලා තියෙන ශාකයක මල් හැලෙන්නේ ඇයි කියන කාරනය ගැන තමයි අද කතා කරන්නෙ.
අපේ චැනල් එක subscribe කරලම වීඩියෝවට එකතු වෙන්න.
මම මුලින් කිව්වා ගෙඩියක් කියන්නෙ ශාකයකට දරුවෙක් වගේ කියලා. එහෙම ගෙඩියක් හටගන්න මලක් හලන්න ශාකය තීරනය කරනවා නම් වෙන්න පුලුවන් දේ තමයි ඒ ශාකයට ඒ ගෙඩිය නඩත්තු කරන්න, පෝෂණය කරන්න මොකක් හරි ප්‍රශ්නයක් තියෙනවා කියන එක.
එතකොට මේ ශාකයට තියෙන ප්‍රශ්නය අපි හරියට අදුරගන්න ඕන.
ශාකයක මල් හැලෙන්න පුලුවන් කාරනා ටික මේ විදිහට පෙලගස්වන්න පුලුවන්
1.ප්‍රමාණවත් හිරුඑළියක් නොලැබීම
2.සමතුලිත පෝෂක ශාකයට ප්‍රමාණවත් තරම් නොලැබීම
3.වගා මාධ්‍ය ගැටලු
4.රෝග හා පළිබෝධ
5.පරාගනය නොවීම

හරි දැන් මේ කාරනා ටික එකින් එක අරගෙන පැහැදිලි කර ගමු.
පලවෙනි කාරනය තමයි ශාකයේ ආහාර නිෂ්පාදනයට ප්‍රමාණවත් තරම් හිරු එළියක් ශාකයට නොලැබීම. අපි කවුරුත් දන්න කාරනයක් තමයි ශාකයක ආහාර නිෂ්පාදනයට හිරුඑළිය අවශ්‍ය බව. ඒකට අපි කියනවා ප්‍රභාසංස්ලේෂණය කියලා. එතකොට මේ ක්‍රියාවලියට ප්‍රමාණයත් තරම් සූර්යාලෝකය නොලැබුනාම ලැබෙන හිරුඑළියෙන් නිෂ්පාදනය වන ආහාර ප්‍රමාණය ශාකයේ අවශ්‍යතායට ගත්තම ගබඩා කරන්න ආහාර නොමැති නම් ශාකය විසින් අනවශ්‍ය මල් ටික හලලා දානවා. එහෙමනම් අපි මුලින්ම කරන්න ඕන බෝගයට සූර්යාලෝකය වැටීමට යම් බාධාවක් තියෙනවා නම් ඒ බාධක ටික ඉවත් කරන එක.

දෙවෙනි කාරනය තමයි ශාකයට ප්‍රමාණවත් තරම් හිරුඑළිය වැටුනත් ආහාර නිෂ්පාදනයට ප්‍රමාණවත් තරම් සමතුලිත පෝෂක ශාකයට නොලැබීම නිසා මල් හැලීම සිදු වීම.
ශාකයට අවශ්‍ය පෝෂක ලබා දෙන්නෙ #පොහොර විදිහට. ශාකයේ වයස කාළගුණික තවත්ය මත වගා මාධ්‍යට ගැලපෙන විදිහට ශාකයේ නඩත්තුවට හා ආහාර නිෂ්පාදනයට ප්‍රමානවත් තරම් සමතුලිත පොහොර ලබා දෙන්න ඕනි.
ඊලග කාරනය තමයි ලබා දෙන පොහොර ශාකයට අවශෝෂනය කර ගැනීමට වගා මාධ්‍ය හොද තත්වයේ තියෙනව ද කියන එක
අපි සමතුලිත පොහොරක් ලබා දුන්නත් මුල මණ්ඩලයට ලබා දෙන පෝෂක අවශෝෂනය කර ගන්න බැරි නම් ශාකයේ ආහාර නිෂ්පාදනයට ප්‍රශ්නයක් වන නිසා මල් හැලීම සිදු වෙනවා. ඒ නිසා වගා මාධ්‍යයේ පී එච් අගය හා ඊසී අගය ගැන සැලකිලිමත් වෙන්න ඕන. සාමාන්‍යයෙන් බොහෝ බෝග වලට සුදුසු පී එච් අගය 5.5 ත් 6.5 අතර වෙනවා. පස් පරීක්ෂාවකින් පස්සේ අවශ්‍ය අලුහුනු ප්‍රමාණය දාලා පී එච් අගය නිවරැදි කර ගන්න පුලුවන්. කොහුබත් මාධ්‍යක වගාවක් නම් ඊසී අගය උපරිම 2.5 ක අගයක තියාගන්න. ඊසී අගය වැඩි උනොත් ශාකයට පෝෂක උරා ගැනීමේ හැකියාව අඩු වෙනවා.

මේ කියපු කාරනා වලින් බෝගයට බලපෑමක් වෙලා නැත්නම් ඊලගට වෙන්න පුලුවන් දේ තමයි රෝග හා පලිබෝධ වල හානිය නිසා මල් හැලීම.
ගොඩක් වෙලාවට මූල පද්ධතියට දිලීර හෝ බැක්ටීරියා නිසා හානි වෙලා නම්, මූල ගැටිති තියෙනවා නම් පෝෂක අවශෝෂනය අවහිර වෙලා මල් හැලීම සිදු වෙන්න පුලුවන්.
දිලීර රෝගයක් නම් කැප්ටාන්, ටොප්සීන් හෝ හෝමායි දිලීරනාශක වලින් ප්‍රතිකාර කරන්න පුලුවන්.
බැක්ටීරියා රෝග සදහා රසායනික ප්‍රතිකාර නොමැති නිසා ආසාදිත ශාක කොටස් වගා මාධ්‍යත් එක්ක වගා බිමෙන් ඉවත් කරන එක තමයි වඩාත් හොද.
බැක්ටීරියා හදුනා ගන්න විදිහ කලින් වීඩියෝ එකක් කරලා තියෙනවා. ඒකත් බලන්න.
පැලමැක්කාගේ හානිය නිසාත් මල් හැලීම සිදු වෙනවා. පැලමැක්කා මල් වල යුෂ උරා බීම නිසා මල් දුර්වල වීමේන් මල් හැලීම සිදු වෙනවා. පැලමැක්කාගේ හානිය තියෙනවා නම් මේ කෘමිනාශක භාවිතා කරන්න පුලුවන්.
ඒ වගේම සමහර අවස්ථා වල Cucumber වගාවේ දී gummy stem blight වගේ දිලීර රෝග නිසා මල් හැලීම සිදු වෙන්න පුලුවන්.

ගොඩක් වෙලාවට මල් වලට පළිබෝධ හා රෝග ආසාදනයට පෙර ශාකයේ පත්‍ර වල හා කදේ හානියේ ලක්ෂණ දකින්න පුලුවන්. ඒ අවස්ථාවේම ඒවා නිවැරදිව හදුනා ගෙන මර්ධනයට කටයුතු කරන්න.
අවසාන කාරනය තමයි පරාගනය. මලක් පරාගනය උනේ නැත්නම් ශාකය විසින් ඒ මල හලලා දානවා. ආරක්ෂිත ගෘහයක නම් උෂ්ණත්වය සෙන්ට්‍රිගේට් අංශක 35 න් විතර උඩට වැඩි වීමේදී පරාග මැරීම නිසා පරාගනය වෙන්නේ නැතුව මල් හැලෙන්න පුලුවන්. ඒ වගේම අධික වැසි කාලයේදී හා නිතරම ලග ලග පළිබෝධනාශක වගාවට යොදනවා නම් පරාග හේදී යාම නිසා පරාගනය නොවීම නිසා මල් හැලෙන්ල පුලුවන්.

මේ කාරනා ටික දැන ගත්තට පස්සේ ඔයාට තේරුම් ගන්න ගන්න පුලුවන් ශාකයක මල් හැලීම වළක්වන්න විවිධ දියර පොහොර වර්ග වලට හෝමෝන වර්ග වලට බැරි බව. ඒ නිසා තමන්ගේ වගාවට තියෙන ගැටලුව හරියට හදුන ගෙන ඊට අදාල හොදම විසදුම ශාකයට ලබා දෙන්න. එතකොට ඔයාට පුලුවන් සාර්ථක වගාවක් පවත්වා ගන්න.
ඔයාට මේ වීඩියෝ එක වැදගත් උනා නම් තවත් කෙනෙකුගේ වගාව ආරක්ෂා කරගන්න බලන්න shere කරන්න. ඔයාගේ ගැටලු comment කරන්න.
Channel එක subscribe කරන්න. සාර්තක වගාවකට සුභ පතනවා. මේ වගේම තවත් වීඩියෝ එකකින් හම්බවෙමු.
‪@mycropclinic‬