Скачать или смотреть 0923-25, ខេត្តកំពង់ធំ រៀបចំពីធីអបអរសាទរ ការ ដាក់ បញ្ចូល រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌ

ខេត្តកំពង់ធំ រៀបចំពីធីអបអរសាទរ ការ ដាក់ បញ្ចូល រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក

(កំពង់ធំ)÷ ឯកឧត្តម ឈុន ឈន់ ប្រធានក្រុមប្រឹក្សាខេត្ត និងឯកឧត្តម ងួន រតនៈ អភិបាលខេត្តកំពង់ធំ ព្រមទាំងមន្ត្រីរាជការនៅសាលាខេត្ត មន្ទីរ អង្គភាពជំុវិញខេត្ត ក្រុង ស្រុក ទីវត្តអារាមក្នុងខេត្តកំពង់ធំ បានចូលរួមប្រារព្ធពីធីអបអរសាទរ ការ ដាក់ បញ្ចូល រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក នៅទូទាំងខេត្តកំពង់ធំ។

តាមការអំពាវនាវរបស់សម្ដេចធិបតី ហ៊ុន ម៉ាណែត នៅម៉ោង៧÷០០នាទី ព្រឹកថ្ងៃទី២០ ខែកញ្ញា ឆ្នាំ២០២៣នេះ នៅគ្រប់ស្ថាប័នថ្នាក់ជាតិ និងថ្នាក់ក្រោមជាតិគ្រប់រាជធានី-ខេត្ត ក្រុង-ស្រុក-ខណ្ឌ និងគ្រប់ឃុំ-សង្កាត់ ក៏ដូចជាទីវត្តអារាម ជនរួមជាតិកម្ពុជា បានរួមគ្នាវាយគង ទូងស្គរ ទះប៉ោត និងគោះត្រដោកយ៉ាងខ្ញៀវខ្ញារ ដើម្បីអបអរសាទរព្រឹត្តិការណ៍ប្រវត្តិសាស្ត្រដែល រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌពិភពលោក។

នៅក្នុងឱកាសនេះដែរ នៅវេលាម៉ោង៧:០០នាទីព្រឹក ឯកឧត្តម ងួន រតនៈ អភិបាលខេត្តកំពង់ធំ បានវាយជួង ទូងស្គរ គ្រវីទង់ជាតិ និងស្រែកជ័យឃោស ដើម្បីអបអរសាទរយ៉ាងមហោឡារិក ចំពោះជោគជ័យជាប្រវត្តិសាស្ត្រថ្មីមួយទៀតក្នុងការដាក់បញ្ចូលរមណីយដ្ឋានប្រាសាទកោះកេរ ជាសម្បត្តិបេតិកភណ្ឌពិភពលោក ។

ដោយ គោរព និងអនុវតតាម សេចក្ដី អំពាវនាវ របស់ ប្រមុខរាជ រដ្ឋា ភិបាលនៃព្រះ រាជាណាចក្រ កម្ពុជា និង សេចក្ដី ណែនាំ របស់ រាជរដ្ឋាភិបាលកម្ពុជា នៅវេលាម៉ោង៧:០០ព្រឹក ថ្ងៃទី២០ ខែកញ្ញា ឆ្នាំ២០២៣ នៅទូទាំងខេត្តកំពង់ធំ បានប្រារព្ធពិធីអបអរសាទរការដាក់បញ្ចូលរមណីយដ្ឋានប្រាសាទកោះកេរ ជាសម្បត្តិបេតិកភណ្ឌពិភពលោក កាលពីថ្ងៃទី១៧ ខែកញ្ញា ឆ្នាំ២០២៣ កន្លងទៅនេះ នៅក្នុងសម័យប្រជុំលើកទី ៤៥ នៅឯទីក្រុងរីយ៉ាត នៃប្រទេសអារ៉ាប៊ីសាអូឌីត តាមសំណើបស់រាជរដ្ឋាភិបាលកម្ពុជា។

សារលិខិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្ញើជូនជនរួមជាតិកម្ពុជា អំពីមហាសមិទ្ធផលជាប្រវត្តិសាស្ត្រថ្មីមួយទៀតរបស់ជាតិយើងនៅលេីឆាកអន្តរជាតិដែល ត្រូវ បាន អង្គការ យូនីស្កូ សម្រេច ដាក់ បញ្ចូល រម្មណី ដ្ឋាន ប្រាសាទ កោះ កេរ នៅ ពេល នេះ ដែល នេះ ជា ការ កើតចេញមកពីកិច្ចខិតខំប្រឹងប្រែងប្រកបដោយវិរភាព ក្រោមម្លប់នៃសុខសន្តិភាព និងសមិទ្ធផលនៃនយោបាយឈ្នះឈ្នះរបស់សម្ដេចអគ្គមហាសេនាបតីតេជោ ហ៊ុន សែន ។

ថ្នាក់ដឹកនាំគ្រប់លំដាប់ថ្នាក់ និងមន្ត្រីរាជការប្រជាពលរដ្ឋក្នុងខេត្តកំពង់ធំ បានប្តជ្ញាចិត្តដាច់ខាតក្នុងការការពារជាតិ សាសនា ព្រះមហាក្សត្រ ថែថែរក្សាឱ្យបាន នូវ សុខសន្តិភាព និងការពារឲ្យបានដាច់ខាតរាជរដ្ឋាភិបាលស្របច្បាប់ ដែលកើតឡើងពីការបោះឆ្នោត ក្រោមការដឹកនាំ ប្រកបដោយ គតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

*សរសេរអត្ថបទដោយលោក ធូ កែវមុន្នី
*កែសម្រួលដោយលោកអ៊ុម ញ៉ឹប