Burun və boğaz əti hansı fəsadlara səbəb olur? - APA TV

#APATV #boğaz #əməliyyat #simptom #problem #boğazəməliyyatı #xəstə #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #canlıyayım #apacanlı

Burun və boğaz əti hansı fəsadlara səbəb olur? - APA TV

Son zamanlar burun və boğazda artıq ətin olması səbəbindən əməliyyat edilən uşaqların sayı çoxalıb. Əsasən də badamcıqların iltihablanması zamanı hərarət, oyanaqlarda ağrı, udqunmada çətinlik kimi simptomlar ortaya çıxır. Bu simptomlarla yaşayan uşaqda bir müddət sonra ürəkdə mitral qapaqların pozulması da yarana bilir:

“ Bu problem həmişədən olub, var, olacaq. Sadəcə olaraq indi allergik xəstəliklər, yuxarı tənəffüs yolları infeksiyaları daha çox yayılıb deyə burun əti gipertrofiyası , boğaz iltihabları ortaya çıxır. Burun və boğaz əti limfa sistemimizin bir hissəsidir, bizim immun sistemimizdə rol oynayır. Biz də əməliyyat edən doktorlar olaraq ehtiyac olmadıqda bu ətlərə toxunmuruq. Əgər xəstədə boğaz əti tez-tez qızarırsa ,orta xəttə bitişirsə ,udqunmada çətinlik yaradırsa, oynaqlara ağrı verirsə, mitral qapaq yetməzliyi kimi şikayətlərlə yaranırsa biz o ətləri cərrahi yol ilə xaric edirik. Çünki onların varlığı xəstəyə ciddi narahatlıq verir”

Bu xəstəlikdən qurtulmaq üçün əməliyyata girib sağ çıxmayan, əməliyyatdan sonra ağırlaşıb dünyasını dəyişən uşaqlar da var. Məsələn, Bakıda 9 yaşlı Nadirli Ağasəlim yanvarın 25-i burun-boğaz əməliyyatı olunub, 26-sı kafi vəziyyətdə evə yazılıb, fevral ayının 1-i vəfat edib. Qobustanda isə 7 yaşlı Yağmur Məmmədova cərrahi əməliyyat zamanı vəfat edib. Bəs uşaqların boğaz ətindən xilas olmaq üçün girdikləri bu əməliyyatlar niyə onların əcəlinə çevrilir?

“Boğaz və burun əti əməliyyatlarının abstruksiyadan tutmuş qanamaya qədər ağırlaşması var. Biz bu barədə pasientlərə məlumat veririk. Amma bu o demək deyil ki, hər əməliyyatda mütləq ağırlaşma riski var. Bəzən əməliyyat zamanı elə olur ki, damar anatomik olaraq olmaması gərəkən yerdən keçir. Bu zaman əgər həmin damara toxunularsa qanama ola bilər və biz bunu dayandırmaqda problem yaşaya bilərik .Bunlar mində bir görülə bilən əməliyyatlardır. Amma bundan başqa ,əməliyyatdan sonra olmazlarımız var. Bu verdiyimiz təlimatalara əməl olunmazsa əməliyyat sonrasında da qanama kimi ağırlaşmalara gətirib çıxara bilər. Dediyiniz hadisələrdə kimdir günahkar, necə olub tam tərif edə bilməsəm də onu deyə bilərəm ki, həm həkim, həm xəstə, xəstə yaxını birlikdə çalışmalıdır ki, əməliyyat sonrası da ağırlaşma olmasın “

Mütəxəssislərin sözlərinə görə, ildə 4-5 dəfə badamcıqlar şişirsə, xəstəni narahat edən simptomlar ortaya çıxırsa, badamcığın şişməsi ilə pis qoxu yaranırsa, cərrahi müdaxilə qaçılmazdır.

✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]