呢段最精彩 杜汶澤 大戰 陳百祥 - 超過40萬次觀看（已加字幕CC - 請開啟 -）

呢段最精彩 杜汶澤 大戰 陳百祥 究竟誰是誰非？真相只會越辯越明！對不對？你覺得呢？可留評論。陳百祥近年積極表態支持政府及撐警，去年曾表態指警察應該「開真槍」，之後於港台電視節目《視點 31》上，與立場對立的藝人杜汶澤交鋒，節目在高峰期有逾 27 萬人同時收看 facebook 直播。當時雙方就警暴、年輕人等話題辯論，杜汶澤引用港大民調指香港有七成人不信任警察，陳百祥反指「我夠話有七成人支持我」，就陳的開真槍言論，杜汶澤則激動還擊「開槍嗰個唔算無人性，支持開槍嗰個絕對滅絕人性！所以點解今日香港咁多人咁憎陳百祥，就係咁解！」

杜：即係所以有人覺 叻：我睇果條片 ，點會有槍啫，果個人
杜：咩嘢叫做點會有槍啫？ 你點可以假設佢係無槍呢？ 叻：使唔使五個人一齊開槍呀？
杜：所以有人做得過份，香港做得過份就應該嘅？ 叻：香港無得做得過份，香港係過度克制
杜：美國有人開槍，所以香港有人開槍係啱嘅？ 叻：唔係咁樣計
杜：我夠係睇畫面落，係啦，咁咪係啦，咁我睇到係膠㗎落，點啫 叻：咁咪無嘢囉，咁咪唔使講囉，咁咪應該開槍囉，我睇到係鐵㗎麻因為
杜：我話比你聽，開槍果個唔算係無人性呀，支持開槍果個先係滅絕人性呀！仲要話呢，即係如果佢係佢係警務處署長呀，首先佢唔係警務處署長先呀 叻：係呀，呢個係一個假設呀

杜：如果佢係警務處署長，就早啲開槍添，呢啲真係好滅絕人性呀呢啲說話 叻：點會呀？止暴，止暴制亂，點解唔得呀？
杜：所以今日點解咁多香港人咁憎阿陳百祥呀？就係咁解呀！ 叻：無所謂，無所謂
杜：因為佢覺得無所謂，一個唔覺得人哋憎係有所謂嘅人呀，佢就可以講出呢啲咁樣嘅說話 叻：大聲唔代表啱㗎，哈哈，激動唔代表對㗎，唔需要咁勞氣㗎，講嘢
主持人：我哋又講吓 7.21 啦，幾時開真槍係呢？ 社會上有好大爭議 ，7.21 嘅元朗有個無警時分，即係有人質疑咁樣，社會上都係有相當大嘅情緒，呢件事兩位點睇
杜：我見到有差人，我點會見唔到啫，我見到有兩個行咗去後面呀嘛
陳：你有百幾個人係到勾鬥，得 6，7個你巡邏隊，佢點樣去呀？佢制止邊一邊呀
杜：咁當時點解唔開真槍呀？
陳：佢制止邊一邊呀？個度無攻擊性武器呀！個啲藤條，木棍呀
杜：個到一大班人打人，咁點解又唔開真槍呀 當時又？無攻擊性武器？鐵通呀，你有無見到有人爆曬缸呀？
陳：嗱而家又變返鐵通？
杜：啲人爆曬缸呀！咩變鐵通呀？果度見鐵通，呢到膠通，咩叫變鐵通呀？
陳：你有冇睇到條片，我哋尊貴嘅林議員帶人入去呀？去攪人哋家族/家鄉呀？
杜：咩帶人入去呀？點樣叫家鄉呀？個度香港🇭🇰嚟㗎，唔入得㗎？
陳：無人話唔入得，但帶攻擊性武器入去，佢保護，咩無呀，大家係畫面睇到㗎
杜：咩家鄉呀？咩攻擊性武器？佢哋邊有帶攻擊性武器呀？睇到嘅就係白衣人打人
陳：我就睇到勾鬥，係互勾，點會係單方面打呀？係咪呀？大家睇到成個畫面，你話唔係咪無辦法囉
杜：我睇到嘅就係白衣人打人
主持人：大家嘅睇法都相當唔同
陳：就係唔同先會係到啦，如果我係佢嘅睇法
杜：如果我係佢嘅睇法，我死咗佢添啦
陳：呢啲咁激動嘅呢，就係呢啲年青人嘅啦，雖然佢唔夠年青
杜：（飲啖水）主持人：所有香港人都愛護香港🇭🇰啦，又有唔同嘅睇法啦，咁嚟到今時今日，所有人嘅香港生活都係會受到影響㗎啦，咁兩位希望香港🇭🇰嘅結局最終可以係點？
杜：我相信如果無一個真真正正嘅民主選舉去選出一個屬於自己地方嘅特首呢，我相信之後嘅問題，即係每一次都會係重複發生，譬如好似2014年雨傘革命完咗啦咁樣