გახმაურებულ მკვლელობაში ბრალდებული დააკავებულია - რა გახდა ლაშა მახარაძის მკვლელობის მიზეზი

10-დღიანი ძებნა დასრულებულია. სამართალდამცავებმა ვაკეში მომხდარ გახმაურებულ მკვლელობაში ბრალდებული დააკავეს. გიორგი ოქროპირიძე, ქართულ მხარეს ერგნეთში ცხინვალის ოკუპირებული რეგიონიდან გადმოსცეს, სადაც ის ე.წ. საზღვრის უკანონოდ გადაკვეთის გამო იყო აყვანილი. რა გახდა 27 წლის ლაშა მახარაძის მკვლელობის მიზეზი -დეტალები ბრალდებულის აღიარებითი ჩვენების შემდეგ უნდა გახდეს ცნობილი. მანამდე კი წინასწარ არაოფიციალურ ვერსიად, შურისძიება სახელდება. ოქროპირიძისთვის ეს პირველი სასჯელი არ იქნება. დაკავებული, რომელმაც ციხე რამდენიმე თვის წინ, ვადაზე ადრე გათავისულების კომისიის გადაწყვეტილების საფუძველზე დატოვა, მანამდე სასჯელს 2009 წელს მომხდარი მკვლელობისთვის იხდიდა. ლაშა მახარაძე, რომელმაც შარშან მომხდარი ტრაგიკული შემთევევის შედეგად ოჯახის სამი წევრი დაკარგა, 2 სექტემბერს აბაშიძის ქუჩაზე მოკლეს.
დაკავების დეტალებზე ლევან კვატაშიძე ისაუბრებს პირდაპირ ეთერში, - არის თუ არა ცნობილი ბრალდებულის სასამართლო პროცესის თარიღი?