Скачать или смотреть ENGLISH LYRICAL MUSIC AND TAMIL LYRICAL MUSIC AND TAMIL AND ENGLISH POEMS AND SPIRITUAL CONCEPTS

ENGLISH LYRICAL MUSIC AND TAMIL LYRICAL MUSIC AND TAMIL AND ENGLISH POEMS AND SPIRITUAL CONCEPTS

மணிவாசகர் அருளிய சிவபுராணம் :
Verse 1 :
[music]
நமசிவாய வாழ்க நாதன் தாள் வாழ்க.
இமைப்பொழுதும் என் நெஞ்சில் நீங்காதான் தாள் வாழ்க.
கோகழி ஆண்ட குருமணிதன் தாள் வாழ்க
ஆகமம் ஆகி நின்று அண்ணிப்பான் தாள் வாழ்க.
ஏகன் அனேகன் இறைவன் அடி வாழ்க.
[music]
Verse 2 :
வேகம் தடுத்தாண்ட வேந்தனடி வெல்க.
பிறப்பறுக்கும் பிஞ்ஞகன் தன் பெய்கழல்கள் வெல்க.
புறத்தாற்குச் சேயோன் தன் பூங்கழல்கள் வெல்க.
கரங்குவிவார் உள் மகிழுங் கோன் கழல்கள் வெல்க.
சிரங்குவிவார் ஓங்குவிக்குஞ் சீரோன் கழல் வெல்க.
[music]
Verse 3 :
ஈசன் அடி போற்றி எந்தை அடி போற்றி.
தேசன் அடி போற்றி சிவன் சேவடி போற்றி.
நேயத்தே நின்ற நிமலன் அடிபோற்றி
மாயப் பிறப்பறுக்கும் மன்னன் அடி போற்றி.
சீரார் பெருந்துறை நம் தேவனடி போற்றி.

ஆராத இன்பம் அருளுமலை போற்றி
சிவன் அவன் என் சிந்தையுள் நின்றதனால்
அவனருளாலே அவன் தாள் வணங்கி
சிந்தை மகிழச் சிவபுராணந் தன்னை
முந்தை வினை முழுதும் ஓய உரைப்பேன்.
[music]

Verse 4 :
கண்ணுதலான் தன் கருணைக்கு கண் காட்ட வந்தெய்தி
எண்ணுதற் கெட்டா எழிலார் கழலிறைஞ்சி
விண்ணிறைந்து மண்ணிறைந்து மிக்காய் விளக்கொளியாய்
எண்ணிறைந் தெல்லை இலாதானே நின் பெருஞ்சீர்
பொல்லா வினையேன் புகழுமா றொன்றறியேன்.
புல்லாகிப் பூடாய் புழுவாய் மரமாகிப்
பல்விருகமாகிப் பறவையாய் பாம்பாகிக்
கல்லாய் மனிதராய் பேயாய் கணங்களாய்
வல்லசுரராகி முனிவராய்த் தேவராய்ச்
சொல்லா நின்ற இது தாவர சங்கமத்துள்
எல்லாப் பிறப்பும் பிறந்திளைத்தேன். எம்பெருமான் மெய்யே உன் பொன்னடிகள் கண்டின்று வீடுற்றேன்.


[music]
Verse 5 :
உய்ய என் உள்ளத்துள் ஓங்காரமாய் நின்ற
மெய்யா விமலா விடைப்பாகா வேதங்கள்
ஐயா என ஓங்கி ஆழ்ந்தகன்ற நுண்ணியனே.
வெய்யாய் தணியாய் இயமானனாம் விமலா.
பொய்யாயின எல்லாம் போயகல வந்தருளி
மெய்ஞ்ஞானமாகி மிளிர்கின்ற மெய்ச்ச்சுடரே.
எஞ்ஞானம் இல்லாதேன் இன்பப்பொருளே.
அஞ்ஞானம் தன்னை அகல்விக்கும் நல்லறிவே.
[music]
Verse 6 :
ஆக்கம் அளவிறுதி இல்லாய் அனைத்துலகும்
ஆக்குவாய் காப்பாய் அளிப்பாய் அருள்தருவாய்.
போக்குவாய் என்னை புகுவிப்பாய் நின்
நாற்றத்தின் நேரியாய் சேயாய் நணியோனே.
மாற்றம் மனங்களிய நின்ற மறையோனே.
கறந்தபால் கன்னலொடு நெய்கலந்தாற் போல
சிறந்தடியார் சிந்தையுள் தேனூறி நின்று
பிறந்த பிறப்பறுக்கும் எங்கள் பெருமான்.
நிறங்கள் ஓர் ஐந்துடையாய் விண்ணோர்கள் ஏத்த
மறைந்திருந்தாய் எம்பெருமான். வல்வினையேன் தன்னை
மறைந்திட மூடிய மாயஇருளை
அறம்பாவம் என்னும் அருங்கயிற்றாற் கட்டிப்
புறந்தோல் போர்த்தெங்கும் புழு அழுக்குமூடி
மலஞ் சோரும் ஒன்பது வாயிற்குடிலை
மலங்கப் புலனைந்தும் வஞ்சனையைச் செய்ய
விலங்கு மனத்தால் விமலா உனக்குக்
கலந்த அன்பாகிக் கசிந்துள் உருகும்
நலந்தான் இலாத சிறியேற்கு நல்கி
நிலந்தன் மேல் வந்தளி நீள்கழல்கள் காட்டி
நாயிற் கடையாய் கிடந்த அடியேற்குத்
தாயிற் சிறந்த தாயான தத்துவனே.
[music]
Verse 7 :
மாசற்ற ஜோதி மலர்ந்த மலர்ச்சுடரே.
நேசனே தேனார் அமுதே சிவபுரனே.
பாசமாம் பற்றறுத்து பார்க்கும் ஆரியனே.
நேச அருள் புரிந்து நெஞ்சி வஞ்செங்கெடப்
பேராது நின்ற பெருங்கருணைப் பேராறே.
ஆராவமுதே அளவிலாப் பெம்மானே.
ஓராதார் உள்ளத்தொளிக்கும் ஒறுயானே.
நீராய் உருக்கியென் ஆருயிராய் நின்றானே.
இன்பமும் துன்பமும் இல்லானே உள்ளானே.
[music]
Verse 8 :
அன்பர்க்கு அன்பனே யாவையுமாய் அல்லையுமாய்
ஜோதியனே துன்னிருளே தோன்றாய் பெருமையனே.
ஆதியனே அந்தம் நடுவாகி அல்லானே.
ஈர்த்தென்னை ஆட்கொண்ட எந்தை பெருமானே.
கூர்த்த மெய்ஞ்ஞானத்தால் கொண்டுணர்வார் தங்கருத்தின்
நோக்கரிய நோக்கே நுணுக்கரிய நுண்ணுணர்வே.
போக்கும் வரவும் புணர்வும் இலாப் புண்ணியனே.
[music]
Verse 9 :
காக்கும் எம் காவலனே காண்பரிய பேரொளியே.
ஆற்றின்ப வெள்ளமே அத்தாமிக்காய் நின்ற
தோற்றச் சுடரொளியாய் சொல்லாத நுண்ணறிவாய்
மாற்றமாம் வையகத்தின் வெவ்வேறே வந்தறிவாம்
தேற்றேனே தேற்றத் தெளிவே என சிந்தியுள்
ஊற்றான உண்ணார் அமுதே உடையானே.
[music]
Verse 10
வேற்று விகார விடக்குடம்பின் உட்கிடப்ப
ஆற்றேன் எம் ஐயா அரனையோ என்றென்று
போற்றிப் புகழ்ந்திருந்து பொய் கெட்டு மெய்யனார்
மீட்டிங்கு வந்து வினைப்பிறவி சாராமே
கள்ளப் புலக்குரம்பை கட்டழிக்க வல்லானே.
நள்ளிருளில் நட்டம் பயின்றாடும் நாதனே.
தில்லையுள் கூத்தனே தென்பாண்டி நாட்டானே.
அல்லல் பிறவி அறுப்பானே ஓவென்று
சொல்லற்கு அரியானைச் சொல்லித் திருவடிக் கீழ்ச்
சொல்லிய பாட்டின் பொருள் உணர்ந்து சொல்லுவார்.
செல்வர் சிவபுரத்தின் உள்ளார் சிவனடிக் கீழ்ப் பல்லோரும் ஏத்தப் பணிந்து.
[music]