Скачать или смотреть Kürdəmir mərkəzi bazarında nələr baş verir.Alverçilər qiymət artımından narazıdılar.

ALVERÇİLƏRİN NARAZILIĞI
Kürdəmirin mərkəzi bazarından icarədarlar “Qaynar xətt”imizə müraciət edərək qiymət artımı ilə bağlı şikayətlərini bildirib. Əməkdaşlarımız hadisə yerinə yollanaraq məsələ ilə bağlı araşdırma aparıb. İcarədarlar bildirirlər ki, qiymət artımından öncə ödəniş hər metrə görə 1 manat olub. Lakin son günlərdə bazar rəhbərliyi tərəfindən onlara bildirilib ki, yerə görə ödəniş artırılıb. Bu da satıcıların narazılığına səbəb olub. Onlar deyirlər ki, satdıqları məhsuldan əldə etdikləri gəlir həm öz dolanışıqlarına, həm də yeni tətbiq edilmiş ödənişləri ödəməyə bəs etmir. Tərəflər məsələdə ortaq məxrəcə gələ bilmədiklərindən ortaya bu cür mənzərə çıxır .Məsələ ilə bağlı açıqlama verən bazar rəsmisi Seymur Hüseynov qiymət artımını satış nöqtələrindəki təmir işləri ilə əlaqələndirib. Narazılığa səbəb olan digər məsələ isə tətbiq edilən depozitlərlə bağlıdır. Seymur hüseynov satıcılardan öncədən depozitin yığılma səbəbinə də aydınlıq gətirib.Ümid edirik ki, aidiyyəti qurumlar məsələni ən qısa zamanda diqqətə götürəcək və tərəflərin ortaq məxrəcə gəlməsi üçün imkan yaranacaqdır. Mövzu diqqətimizdə olacaq.
#XEZERTV#APATV#ARB#BAZAR#KURDEMİR#TRENT#KESVET#İZLEABONEOL.