လကိုကိုင်သောလက် - ကြပ်ကလေး (စာဖတ်သူ -ဂျူလိုင်)

လကိုကိုင်သောလက်
စာရေးဆရာ - ကြပ်ကလေး
စာဖတ်သူ-ဂျူလိုင်
-------------------------
‘အေးမြသာယာ’ ရွာကလေးသည် အေးလည်း မအေးမြနိုင်၊ သာလည်း မသာယာနိုင် ဖြစ်နေရရှာသည်။

အကြောင်းကို ဖွေသော်...

ထိုရွာကလေးသည် အမည်နှင့် လိုက်အောင်ပင် တကယ် အေးမြသာယာခဲ့သည်။ စစ်မက်အင်္ဂါဟူ၍ နားမျှလေသံ မကြားဖူးခဲ့။ ရွာကလေးကို အုပ်ချုပ်သော သူကြီးပင် ခုနစ်ဆက်ခန့် ပြောင်းလဲခဲ့လေပြီ။ သူကြီးများ၏ အုပ်ချုပ်မှုမှာလည်း ဂတိလေးပါး လိုက်စားခြင်း မရှိခဲ့။ လူဆိုး သူဆိုး သူခိုး သူဝှက်များလည်း လုံးဝမရှိခဲ့။ အေးချမ်း သာယာစွာပင် ကိုယ့်လုပ်ငန်းကလေးများကို လုပ်၍ စည်ပင်ဝပြောခဲ့သည်။

သို့ရာတွင် ယခုအခါ၌ တစ်ရွာလုံးက ကြည်ညို အားထားသော သူကြီး ဦးသိဒ္ဓိမှာ ရောဂါဝေဒနာ ဖိစီး၍ သေအံ့ဆဲဆဲ ဖြစ်နေ၏။ အသက်မှာလည်း ကိုးဆယ့်ခြောက်နှစ် ရှိပြီဖြစ်သောကြောင့် ဤရောဂါဝေဒနာမှ လွန်မြောက် ကျန်းမာလာဖို့ မလွယ်ကူတော့ချေ။

ရွာသားများစွာတို့သည် သူ့အိမ်ပေါ်တွင် ပြည့်ကျပ် နေကြ၏။

#ဝတ္ထုတို #မြန်မာဝတ္ထု #ဒို့အညာ
#DohAhNyar #တို့အညာ #Audiobooks