Скачать или смотреть Mem ARARAT - Şîreta Dil

Kengî aciz dibim li deriyê dilê xwe dixim,ji bo çend şîreta li min bike. Lewma dema meriv pişta xwe nede zarokatiya xwe ,hêlek mirov tim xam dimîne. Carna dunya mîna heqîbekê ye li gorî min; tu çi têxe wê heqîbê dinya te dibe ew tişt. Lewma li fezaya kû têra xwe sar û germ û bi radyasyon e divê meriv dunyaya xwe ewilî di dilê xwe de ava bike. Nexwe serma,germa û radyasyona fezayê dikare meriv bikuje. Li gorî min ev dinya têra xwe xwedî wate ye û têra xwe jî rind e. Û têra xwe zor û zahmet e jî. Dibe kû dinyaya meriv heqîba di dilê meriv de be, ew heqîba kû te li gorî xwe tişt xistinê. Hinek dikarin bibêjin “Ev dinya dinyayek vala ye” ,hinek dikarin bibêjin “Ev dinyayek derewîn e.” Hin Kes dikarin bibêje “dojeh e” û hin kes dikarin weke cinetê jî pênase bikin.Bi min hemû jî rast in. Lewma meriv çi têxe heqîba xwe dinya meriv dibe ew tişt. Li gorî min li vê dinyayê hemû tişt diaxivin û her tişt behsa tiştên di heqîba xwe de hewandine dikin.

Wer hasil serê we meêşinîm dostno. Min hinekî ji we re qala tiştên di heqîba min de ne kir.

Tev li hemû zor û zahmetyan jî, ez ji başiyê,hezkirinê, xweşbîniyê û dostaniyê bawer dikim.
Ez ji cinet û cihnema vê dinyayê bawer dikim û bi hemû hêza xwe dixwazim sînorên cinetê fireh bikim.
Rêz û silav û hezkirin ji bo we teva….



ŞîRETA DIL



Li vê dewra axirzeman bixwişkek im li peravê
Tebat bû xewna zinêr
Min dil daye belayê
Li pêşiya min zeryayek ji rê,kî diçe êdî nayê
Dil navê qesrên zêrin,
Pêre ketim belayê

Wextekê ez î xam bûm nîvwenda bûm li beyaran
Serkanê xeyalên xwe,sêwiyê li ber dîwaran
Piştî evînê min dît xeyaleke dunya
Weke xunaviyekê difûre li hemana

Wextekê ez î xam bûm radizam li ser ewran
Dil dixwest bi firê bikeve,lê giran bûn destên vala
Piştî salan min dît hêjî xamim wek zarokan
Hîn jî diêşe dilê min bi gotinên necamêran


Li vê dewra axir zeman, rastî jî êdî rast nayê
Bext bûye xulamê text, deng biliya ye ji xwezayê
Li pêşiya min nexşeyek ji ba ,ditewîne fezayê
Hîn xam im diteyîsim, ey dil were bi hewarê




Ji her gotinek rast re çêbûye hezar neyar
Memo bide pey dil guh mede xwenezanan
Dest bide dilê tenik rûyê xwe bide çiyan
Vegere li xewlana xwe,gotinê meke erzan


Gotin,Muzîk û Aranje : Mem Ararat
Tembûr,Kick : Mem Ararat
Mîks û Masterîng : Nîhad Jemsher
Vîdeo Klîp : ‪@WhoisRobinn‬
Lîstikvan : Evîn, Adar

https://itunes.apple.com/tr/album/xew...

https://open.spotify.com/album/0J8dt8...

  / araratmemm  

  / araratmemm  

  / memararat__official  


   / memararat