Скачать или смотреть ஐந்தே நிமிடங்களில் பகவத்கீதை 18 அத்தியாயங்களின் தாத்பரியம் | Bhagavad Gita in 5 Minutes Tamil

Bhagavad Gita in 5 Minutes Tamil - ஐந்தே நிமிடங்களில் பகவத்கீதை 18 அத்தியாயங்களின் தாத்பரியம்.

அத்தியாயம் 1 - அருச்சுன விசாத யோகம்

பிறப்பு நிலையற்றது. நாம் செய்யும் நல்லவையும் கெட்டவையுமே நம் புண்ணிய, பாவங்களை நிர்ணயிக்கும் என்று உணர வேண்டும். இறைவன் அருளால் முக்தியடைய வேண்டும் என்ற ஆத்மத் துடிப்பே விசாத யோகம்.

அத்தியாயம் 2 - சாங்கிய யோகம்

பரமாத்மாவே என் குரு என்பதை உணர்ந்து அவரிடம் ஆத்ம உபதேசம் பெறுவது.

அத்தியாயம் 3 - கர்மயோகம்

பலனை எதிர்பார்க்காமல் கடமையைச் செய்யும் மனம் பக்குவம் அடைய வேண்டும்.

அத்தியாயம் 4 - ஞானகர்ம சந்நியாச யோகம்

பாவம், புண்ணியங்கள் பற்றிக்கூட கவலைப்படாமல் எதன்மீதும் பற்று இல்லாமல், பரமனை அடையும் வழியில் முன்னேறுவது.

அத்தியாயம் 5 - கர்ம சந்நியாச யோகம்

நான் உயர்ந்தவன் என்ற கர்வம் இல்லாமல் தான, தர்மங்கள் செய்வது.

அத்தியாயம் 6 - தியான யோகம்

கடவுளை அடைய புலனடக்கம் முக்கியம். மெய், வாய், கண், மூக்கு, செவி இந்த புலன்கள் நம் கட்டுப்பாட்டில் இருக்க வேண்டுமே தவிர அவை இழுத்த இழுப்புக்கு நாம் போய்விடக்கூடாது.

அத்தியாயம் 7 - ஞான விஞ்ஞான யோகம்

இந்த உலகில் காண்பவை எல்லாமே பிரம்மம் தான். எல்லாமே கடவுள்தான் என உணர்வது.

அத்தியாயம் 8 - அட்சர பரபிரம்ம யோகம்

எந்நேரமும் இறைவனைப்பற்றிய நினைப்புடன் வேறு சிந்தனைகளே இல்லாமல் இருப்பது.

அத்தியாயம் 9 - ராஜ வித்யா ராஜ குஹ்ய யோகம்

கடவுள் பக்தி மட்டுமே இருந்தால் பயனில்லை. சமூகத்தொண்டாற்றி, ஏழையின் சிரிப்பில் இறைவனைக் காண்பதுதான் உண்மையான பக்தி. உண்மையான ஆன்மிகம் என்று உணர்வது.

அத்தியாயம் 10 - விபூதி யோகம்

அழகு, அறிவு, ஆற்றல் என எத்தகைய தெய்வீக குணத்தைக் கண்டாலும் அதை இறைவனாகவே காண்பது.

அத்தியாயம் 11 - விஸ்வரூப தரிசன யோகம்

ஆண்டவனில் உலகத்தையும் உலகில் ஆண்டவனையும் பார்க்கும் மனப்பக்குவத்தை வளர்த்துக்கொள்வது.

அத்தியாயம் 12 - பக்தி யோகம்
.
இன்பம் - துன்பம், விருப்பு - வெறுப்பு, ஏழை - பணக்காரன் போன்ற வேறுபாடுகளைக் களைந்து எல்லாவற்றிலும் சமத்துவத்தை விரும்புவது.

அத்தியாயம் 13 - சேத்ரம் சேத்ரக்ஞன் விபாக யோகம்

எல்லா உயிர்களிலும் வீற்றிருந்து இறைவனே அவர்களை இயக்குகிறார் என்பதை உணர்தல்.

அத்தியாயம் 14 - குணத்ரய விபாக யோகம்

பிறப்பு, இறப்பு, மூப்பு ஆகியவற்றால் ஏற்படும் துன்பங்களை அகற்றி, இறைவனின் முழு அருளுக்கு பாத்திரமாவது.

அத்தியாயம் 15 - புருஷோத்தம யோகம்

தீய குணங்களை ஒழித்து, நல்ல குணங்களை மட்டும் வளர்த்துக்கொண்டு, நம்மிடம் தெய்வாம்சத்தை அதிகரிப்பது.

அத்தியாயம் 16 - தெய்வாசுர சம்பத் விபாக யோகம்

இறைவன் படைப்பில் எல்லோரும் சமம் என்று உணர்ந்து, அகங்காரம் வராமல் கவனமுடன் இருப்பது.

அத்தியாயம் 17 - சிரத்தாத்திரய விபாக யோகம்

சர்வம் பிரம்ம மயம் என்று உணர்ந்து பரப்பிரம்ம ஞானத்தை பெறுவது.

அத்தியாயம் 18 - மோட்ச சந்நியாச யோகம்

யாரிடமும் எந்த உயிர்களிடமும் பேதம் பார்க்காமல், உன்னையே சரணாகதி அடைகிறேன் என்று இறைவன் சன்னதியில் வீழ்ந்தால் அவன் அருள் செய்வான் என்று இறைவனை சரணடைவது.

#aalayamselveer #bhagavadgitatamil