ටීකා කවි සීපද | Teeka Kavi Seepada | මෙච්චර කවි ලංකාවේ - 05 | Mahinda Prasad Masimbula

ටීකා කවි සීපද

අටුවා, ටීකා, ටිප්පනි වශයෙන් සාහිත්‍යයේ දී හඳුන්වනු ලබනුයේ ඇති දෙයක් තවත් විස්තරාත්මකව කීමයි. පුරාණ ධර්ම ග්‍රන්ථ ආදියට කළ වෙනම අටුවා දක්නට ලැබෙයි. මේ අනුව යමින් කාව්‍ය ශාස්ත්‍රයේ දී 'ටීකා' වශයෙන් හඳුන්වන කවි ක්‍රමය මහත් සුවිශේෂී වූවකි. යමක් සාම්ප්‍රදායික කවියෙන්ම කියා එය විස්තාරණය කරනු වස් කියැවෙන තවත් ක්‍රමයක් වෙත් නම් ඒ ටීකා කවියයි. සිදුවුණු හෝ උපකල්පනය කළ යමක් බසෙහි නොයෙක් ක්‍රම උපයෝගී කරගෙන අපූරු රිද්මයන්ගෙන් යුතුව ගායනා කිරීම මෙහි ප්‍රමුඛ ලක්ෂණයයි. මෙහිදී පද්‍ය ලක්ෂණ මෙන්ම ගද්‍ය ලක්ෂණ ද ඇති බැවින් ටීකා කවි ආගාතාත්මක සහ අනාගාතාත්මක දෙයාකාරයම ප්‍රකට කරයි. ටීකා කවි වල කැපී පෙනෙන ගුණාංග පහත පරිදිය.

•හාස්‍ය රසය
•උපහාස රසය
•අවස්තා නිරූපණය
•පද පෙරළි
•බහුලව සමාන පද භාවිතය
•උස් හඬින් කෙරෙන ගායන විලාසයන්
•සාමාන්‍ය දැනුම
•ජන ජීවිතයේ නාටකීය අවස්ථා

ටීකා කවි සීපද නිවැරදි භාෂා උච්චාරණයට ද අත්වැලක් සපයයි. කායික හා මානසික සැහැල්ලුව ඇති කරවන කාව්‍ය විශේෂයක් ලෙස ද සැලකිය හැකි වන අතර සැබැවින්ම ටීකා කවි යනු හෙළ ජන කවියේ හමුවන භාෂා චිකිත්සාවක් ලෙස ද හැදින්විය හැකිය.

Mahinda Prasad Masimbula: https://fb.com/mahindaprasad.masimbula
Santhawa Books: https://www.fb.com/santhawabooks