Скачать или смотреть செப்டம்பர் 5 ல் மனம் திறக்கும் செங்கோட்டையன்...? அதிமுகவில் என்ன நடக்கிறது..?

அதிமுக மூத்த நிர்வாகியான செங்கோட்டையன் இன்று செய்தியாளர்களைச் சந்தித்தார். அப்போது, வருகிற செப்டம்பர் 5 ஆம் தேதி மனம் திறந்து பேச உள்ளதாக தெரிவித்தார். சில நாட்களுக்கு முன் செங்கோட்டையனுக்கும் அதிமுக பொதுச் செயலாளர் எடப்பாடி பழனிசாமிக்கும் மோதல் ஏற்பட்டதாக பேசப்பட்ட நிலையில், கட்சி நிகழ்ச்சிகளில் பங்கேற்காமல் இருந்தார். பிறகு கூட்டங்களில் கலந்துக்கொண்டு வழக்கம் போல் செயல்பட்டார். இந்நிலையில், கட்சி மூத்த நிர்வாகிகளாக இருந்த, அன்வர் ராஜா, மைத்ரேயன் ஆகியோர் அதிமுகவில் இருந்து விலகி அண்மையில் திமுகவில் இணைந்தனர்.

தற்போது, செங்கோட்டையன் மனம் திறக்கப்போவதாக பேசியிருப்பது, மீண்டும் கட்சிக்குள் சலசலப்பை கிளப்பியுள்ளது. ஏற்கெனவே பாஜகவுடன் அதிமுக கூட்டணி அமைத்திருப்பதற்கு விமர்சனங்கள் எழுந்திருக்கும் நிலையில், அதிமுகவில் அடுத்தடுத்து என்ன நடக்கப்போகிறது என்பது குறித்து பொறுத்திருந்து தான் பார்க்க வேண்டும்.