المداح سيف الويسي | طبوا القاووش والحضروا اهلنه

التكية الرفاعية الويسية في الانبار

اللهم صل على سيدنا محمد
وعلى آله وصحبه وسلم تسليما كثيرا

●

~ المداح سيف الويسي ~

القصيدة :

طبوا القاووش والحضروا اهلنه
فزعـوا الشيـاب لا تحـزن يا ابنـه
________________________
ابدي مدحي ع النبي طه الامين
احمد المختار سيد المرسلين
ع النبي الهادي شفيع المذنبين
صلو ياحضار يضمن لكم جنه

مابطت شاراتكم يا اهل الحميه
هذا عبد الحسن فزعاته كويه
جاب شعر النبي بكت العمليه
وكال عد عيناك لاتحزن يبنه

موسى بالانعاش جدي اليوم طاب
ينخه بسماعيل والاربع اقطاب
وين جدي العود ابو رائد انصاب
طالب الفزعات من عدكم اجتنه

ويطلب الفزعات من اهل الحميه
وصاح ويس العود كوم الفي عليه
عفيه جدي الينتخيلي بكل قضيه
طاب بالقاووش هذا العود جدنه

طبو القاووش كيلاني ورفاعي
سمعو بموسى ابنهم ضل يواعي
هذا ابو علامين شكاك الافاعي
كام ويه الباز كالو هذا يمنه

كام ابو الفتيان دومه ماناسيني
كال عد عيناك يبن الفلسطيني
كلنه جينه اليوم بالفزعه عجلينه
الملثم والدسوقي سناد النه

الملثم والدسوقي حزام ضهري
واكع المسكن عيب تكول مدري
ياسطوحي ردنه فزعه وانتو ذخري
موسى بالقاووش صاحلكم يهلنه

موسى بالقاووش صاحك يابو حمره
برد اصوابي يلمبرد الجمره
يابو رائد انتضر منهم نضره
جاك ابو شيبه على الحادي وتعنه

جاك ابو شيبه الاسد والفلسطيني
دوم بالفزعات جدي ماينسيني
لو طلبت المدد بدراني يجيني
خبري بيكم للشدايد سور النه

خبري بسماعيل ابو موسى شجاعي
حضر بالقاووشي للبسمه يداعي
يالفلسطيني يبو حلو لطباعي
غيركم منهو اليرد المرض عنه

غيركم منهم يكف وقت لمحان
خبري بيكم تفزعولي ياشجعان
ابو صالح بازنه وابو سليمان
يا كبار الجاه منهو اليفزعلنه

ياكبار الجاه ابو رائد ينادي
من الفلسطيني تره رايد امدادي
خبري بيكم تحضرون من ابغدادي
يوم ناده وليدهم فزعو اهلنه

يوم ناده وليدكم برض لغراب
والي صاحلكم فلسطيني ماخاب
ابن شيمه ومرجله وعالي لرتاب
هذا ابنكم صاح لتخيبون ضنه

هذا ابنكم صاح ويريد الجواب
انكسر ضلعه بعجل داوو لصواب
والاسد حمريني دزينه لعتاب
ها يبو حمره تره بيكم الملنه

ها يبو حمره تره موسى بحريجه
ياضماد الصاح وجروحه غميجه
صيح بالشياب من توكع بضيجه
ياحمات الجار والصاحك تجنه

ياحمات الدار ياعزي وسنادي
دوم بالفزعات تحضر على الحادي
من ارض لغراب ابو رائد ينادي
يبدراني لوصحت عيب تهملنه

يابدراني لو صحت عالج صوابي
ابنكم طايح تره وسط لغرابي
لكم شاراتا تصدون لحرابي
تكول بالمحنات ابد ماكو مثلنه

تكول بالمحنات صيحو فلسطيني
توكف بوجه الذي راد يعاديني
يابو موسى بالفزع خبري عجليني
ابنكم طايح مريض وزاد عنه

ابنكم طايح مريض وصار سنين
هذا ابو رائد خلفة الفلسطيني
ها يبدراني تجي بفزعه عجلين
ونعم ياجدي تره فزاعك وصلنه

ونعم جدي الاسد عبد الكريم
هذا ابو هاشم يضل دومه زعيم
وابو طه يفزع الواكع بضيم
سيف يكطع راس كلمن وصل حدنه

ابن موسى يختم الأبيات رايد
تشفي شيخي من المرض هذا ابو رائد
ياربي نتوسل ونكتب هلقصايد
جاه سيدي المصطفى طه المكنه

تأليف : المداح سيف موسى الويسي
تاريخ : 2023/2/3

●

نسأل الله أن يتقبل الطاعات

عددنا اليوم : 4,842 مشترك

#التكية_الرفاعية_الويسية .

2023/2/9