Dəridə Allergiya və Eqzemanı sağaldan İBN SİNANIN Möhtəşəm Çarəsi

#BirBax #Azerbaycan #eqzema

Salam dəyərli izləyicilər. Bu gün Allergiya və ya stressdən yaranan, geniş yayılmış bir dəri xəstəliyindən – eqzemadan danışacam. Dərinizdə quruluq, qaşıntı və qızarıqlıq varsa, dəriniz qabıqlanıb, tökülürsə, kəpək kimi problem yaşayırsınızsa, bu video tam sizin üçündür. Probleminiz həll olacaq.

Eqzema müxtəlif səbəblərlə meydana çıxan və olduqca geniş yayılmış bir dəri problemidir. Eqzemanın müalicəsi yalnız kortizol tərkibli dərmanlarla məhdudlaşmır. Bu dəri xəstəliyini təbii yollarla da sağaltmaq olur. Tibbin atası sayılan İbn Sinanın bu yöndə tövsiyələri var. Bu gün həmin tövsiyələri sizə təqdim edəcəm.

İbn Sinanın bitki mənşəli müalicə üsullarına keçməzdən qabaq, dəri xəstəlikləri haqqında məlumat vermək istəyirəm. Ekzema nədir? Allergiya və ya stressdən yaranan, geniş yayılmış dəri xəstəliyidir. Təhlükəsi böyük olmasa da, həyat keyfiyyətini aşağı salmaq qabiliyyətinə malikdir. Sadə qoruma üsulları ilə nəzarətdə saxlanıla bilər. Soyuq hava, soyuq su, dəridəki quruluq, sabunlara və digər kimyəvi maddələrə qarşı allergiyalar ekzemanın səbəbləri sırasındadır.

Ekzemanın əlamətləri.

Demək olar ki, bütün insanlarda ekzema eyni əlamətlərlə təzahür edir.

-dəridə quruluq;

-qaşıntı;

-qabarcıqların əmələ gəlməsi;

-dəridə qabıqlar və tökülmə;

-qızarıqlıq;

-iltihab;

-saç diblərində kəpək;

-dərinin çatlaması;

Ekzemanın səbəbləri.

Problemin əmələ gəlməsində genetik faktorlar, allergik maddələr, stress və ya istifadə edilən fərqli kimyəvi maddələr rol oynayır. Ekzemanın hər növünün öz əmələgəlmə səbəbi var. Təmizlik işçiləri, evdar qadınlar və saç ustaları arasında ekzemaya daha sıx rast gəlinir. Bundan əlavə, allergik qaynaqlı ekzema varsa, allergik maddənin cüzi miqdarda istifadəsi belə, narahatlığın yaranmasına gətirib çıxarır.

Dərinin bioloji müdafiə qabiliyyətinin azalması, ya da yox olması nəticəsində ekzema daha çox əllərdə peyda olur. Su, sabun, yuyucu vasitələr və tozlu mühit dərini məhv edir. Əlləri tez-tez yumaq və xlor tərkibli təmizlik vasitələrindən mütəmadi şəkildə istifadə etmək ekzemanın əmələ gəlməsinə şərait yaradır.

Ekzema və psoriaz xəstəliyi bir-birinə bənzəyirmi?

Dərini zədələmələri və insanın psixologiyasına mənfi təsir göstərmələri səbəbiylə bir-birinə oxşasalar da, fərqləri var. Psoriazda, el arasında deyildiyi kimi, sədəf xəstəliyində qaşıntı daha çox olur. Lakin sulanma olmur. İki xəstəlik arasındakı bir fərq də ekzemanın növlərinin çoxluğudur. Bundan əlavə, ekzema müalicə ilə tamamilə yoxa çıxa bilir, psoriaz isə təkrarlanır.

Psoriaz nədir?

Psoriaz dünya miqyasında hər 100 adamdan 3-də rast gəlinir. Düzdür, daha çox 30 yaşdan sonra meydana çıxır, lakin istənilən yaşda insan psoriaz şikayətçisi ola bilər. Rast gəlinən psoriazların 30%-ndə “ailə hekayəsi” var. Dərinin xüsusi antigenləri var ki, onlar immun sistemini aktivləşdirir. Aktivləşən immun hüceyrələri təkrar dəriyə qayıdır, nəticədə, dəridə hüceyrə çoxalması baş verir, psoriaza məxsus qatlar yaranır. Dolayısı ilə, psoriaz orqanizmin öz toxumalarına qarşı inşa etdiyi xəstəlikdir. Bu tip narahatlıqlar avtoimmun xəstəliklər adlanır.

Psoriaz zamanı immun sisteminin limfosit hüceyrələri dəridə yığılmağa başlayır. Toplanmanın ardınca bəzi dəri hüceyrələrinin həyat dövriyyəsi sürətlənir. Sərt qabıqlar bu hüceyrələrdən ibarətdir. Dəri hüceyrələri dərinin dərin qatlarında istehsal edilərək asta-asta səthə doğru yüksəlirlər. Müəyyən müddətdən sonra həyat dövriyyələrini tamamlayaraq tökülürlər. Dəri hüceyrələrinin ömrü, təqribən, 1 aydır. Psoriaz zamanı bu müddət bir neçə günədək enir.

Ömrünü başa vurmuş hüceyrələr tökülməyə macal tapmır və üst-üstə yığılmağa başlayırlar. Beləcə, qabarıqlıqlar meydana gəlir ki, onlar daha çox oynaqlarda, əl, ayaq, boyun, baş, ya da üz dərisində olurlar.

İbn-Sinanın ekzema üçün bitki mənşəli müalicə üsulu.

Xüsusilə, son illərdə ekzema daha çox yayılmağa başlayıb. Bayaq da qeyd etdim, ən ümdə səbəbləri allergiya və stressdir. Buna görə də, istənilən müalicəvi prosedura başlamazdan qabaq insanın özünü stressdən xilas etməsi mütləqdir.

Ekzemaya faydalı yemiş qabığı.

Dəriyə qulluqdan gözətrafı nahiyənin baxımınadək bir çox məqsədlə istifadə edilən yemiş qabığı psoriaz və ekzema zamanı da köməyə çatır. Yemiş qabığından müalicəvi vasitənin hazırlanması:

-yemiş qabığını qaynadın;

-1 saat gözlədin;

-pambığı məhlula batırıb zədəli nahiyəyə çəkin;

Ümumiyyətlə, yemiş qabığının faydaları bunlardır:

5 dəqiqə ərzində vam odda qaynayan yemiş qabıqları ilə ağız qarqarası etmək dişlərin və damaqların sağlamlığını qoruyur;

Çay kimi dəmlənən yemiş qabıqlarını saçlarınızın dibinə çəkərək saçların tökülməsinin qarşısını ala bilərsiniz;

Dəmlədiyiniz yemiş qabığı çayını pambıq vasitəsilə dərinizə sürtün-dəriniz gəncləşəcək;

Acqarına içilən yemiş qabığı çayı metabolizmanı və yağ yandırılmasını sürətləndirir;

Orqanizmdəki şişkinlikləri yox edir;
#dəri #ekzema #sağlamlıq