TWINS深情對話丨阿嬌淚流滿面感謝歌迷22年不離棄 阿Sa爆喊：我哋條路唔平坦

TWINS深情對話丨阿嬌淚流滿面感謝歌迷22年不離棄 阿Sa爆喊：我哋條路唔平坦

TWINS紅館演唱會連開14場，噚晚去到第5場，適逢阿嬌（鍾欣潼）農曆生日，萬人再次大合唱中文版生日歌為阿嬌祝賀，阿嬌同阿Sa（蔡卓妍）唱《相愛22年》前，兩人深情對話更一晚比一晚感人，兩人邊唱邊喊，阿嬌喊到淚流滿面，阿Sa則邊唱邊深呼吸，最終禁不住淚如泉湧，現場大量歌迷跟住佢哋邊唱邊落淚，場面非常感人！

噚晚阿嬌農曆生日，有歌迷扮成禮物大叫生日快樂，阿嬌笑言：「嘩，你唔係送你畀我呀？我唔要得唔得呀？我唔知擺喺邊呀…我唔識點養你…」引得全場狂笑，阿Sa笑完後就叫全場萬人大合唱中文版生日歌祝賀阿嬌；之後兩人再定神準備唱《相愛22年》，阿Sa感性表示22年前真係想諗唔到呢個係佢哋嘅將來。

阿嬌回想第一個演唱會後，當時佢哋都唔知仲有冇得再開騷，阿Sa續道： 「咁多年有好多人可能話，TWINS好好彩，其實我哋條路一啲都唔平坦，一開始係好純綷嘅快樂，過咗幾年就開始唔係好識笑。」阿嬌坦言一開始唔係好識笑：「我仲難啲，我記得一開始，Mani不停叫我笑呀笑呀，我真係好辛苦……到慢慢開始，好多人支持我，覺得被人重視啦，我先識笑容多咗，同你一齊又開心，打開咗自己 !」

阿Sa回望呢22年與阿嬌一齊感受到好多人情冷暖：「神奇嘅地方係我哋細個咩都唔識，由『也也烏』好開心開始，之後感受到好多人情冷暖， 開始自己識思考， 慢慢有幾年真係好似笑少咗， 但係好慶幸我哋真係好努力到走過咗呢啲階段。」阿嬌感動地講：「終於嚟到呢度啦！」阿Sa笑指：「係呀！恭喜你呀！」

然後兩人走向對方感動相擁，不過佢哋因為太激動太開心，竟然攬攬時撞向對方塊面，兩人即時大笑，搞到明明跟住喊緊嘅歌迷都破涕為笑，阿Sa與阿嬌感恩終於可以享受人生，二人擁有選擇權： 「可以鍾意笑就笑、喊就喊，享受人生，呢個工作自己想做，呢個唔好做！」

阿Sa同阿嬌亦有向歌迷道謝，感謝歌迷呢22年一路喺背後支撐TWINS，多謝大家咁多年嚟嘅愛同包容，阿Sa感動到開始哽咽：「多謝你哋所有人， 喺我哋最唔好時候嘅鼓勵，好緊要真係……以下落嚟呢隻歌，唔係剩係講緊我同嬌，係講緊我同你哋嘅關係，相愛22年。」起歌之後，兩人喊住唱，阿嬌更喊到缺堤， 阿Sa不停強忍淚水，免得唱唔到嚟去。現場不少歌迷跟住佢哋大合唱，都係邊唱邊落淚。

由於係阿嬌生日，噚晚阿Sa就特別讓觀眾點唱多唱一首歌，現場投票最後係《士多啤梨蘋果橙》，兩人問現場觀眾借電話睇歌詞，怎料阿Sa借嘅手機，唱兩句後電話響，佢情急大叫：「哎吔，你Daddy打畀你，死啦，點算……」而阿嬌安慰：「唔好亂，唱埋先」笑爆全場！

#嬌 #鍾欣潼 #Sa #蔡卓妍 #相愛22年 #農曆生日 #點唱 #士多啤梨蘋果橙 #道謝 #歌迷 #落淚 #哭 #深情 #對話 #演唱會
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0