Скачать или смотреть „უცხოეთში დედაენის სწავლა“ სეფა შარდაღ ბერიძე ქ სტამბოლი, თურქეთის რესპუბლიკა

ვიდეო გზავნილი სამშობლოს

დიასპორის საკითხებში საქართველოს სახელმწიფო მინისტრის აპარატის ორგანიზებით გამართული „გლობალური დიასპორული კვირეულის“ ფარგლებში, ჩატარდა ვიდეო კონკურსი, თემაზე „დიასპორა - ხიდი საქართველოსთან“ (ვიდეო გზავნილი სამშობლოს). მონაწილეობის მსურველებს უნდა გადაეღოთ კრეატიული ვიდეორგოლი ქართულ დიასპორაზე, სადაც ასახული იქნებოდა სამშობლოს მონატრება, მომავალ თაობაში ქართული ადათ-წესებისა და ეროვნული თვითმყოფადობის შენარჩუნების ელემენტები, ქართული კულტურის პოპულარიზაცია და ა.შ. ვიდეო კონკურსში მონაწილეობა მსოფლიოს ნებისმიერ ქვეყანაში მცხოვრებ ქართული დიასპორის წარმომადგენლებს შეეძლოთ. ვიდეო რგოლებს სპეციალურად შერჩეული ჟიური აფასებდა. გამარჯვებულების გამოვლენისას განსაკუთრებული ყურადღება მიექცა ვიდეოს კრეატიულობასა და შინაარსის აქტუალურობას. კონკურსისთვის 21 ვიდეო რგოლი გამოიგზავნა საზღვარგარეთის 12 ქვეყნიდან (საფრანგეთი, საბერძნეთი, რუსეთი, აზერბაიჯანი, იტალია, თურქეთი, პოლონეთი, სომხეთი, დიდი ბრიტანეთი, ირანი, ჩეხეთი, ირლანდია). აქედან შეირჩა 8 საუკეთესო ვიდეო: სომხეთიდან გაგიკ ნაზარიანის „საქართველო ჩემი სამშობლოა“, საფრანგეთიდან დიანა ჭანკოტაძის „ჩვენ დავრუნდებით“, რუსეთიდან გივი ციმაკურიძის „აქ ჩვენი პატარა საქართველოა“, ირანიდან საიდ მულიანის „ფერეიდნელი ქართველები“, ჩეხეთიდან ოთარ ზარიძის „Georgia on my Mind...“, ირლანდიიდან ლაშა საბაშვილის „დუბლინელი ქართველები“, თურქეთიდან სეფა შარდაღ ბერიძის „უცხოეთში დედაენის სწავლა“, და პოლონეთიდან სალომე ჩიხლაძის „უცხოეთის ლაბირინთებში ჩემი ოდისეა“.
ა.წ. 16 ოქტომბერს გამარჯვებულთა დაჯილდოება გაიმართება. გამარჯვებულებს სახელმწიფო მინისტრი საჩუქრად ციფრულ ტექნიკას გადასცემს.