Скачать или смотреть Rosa Balistreri - La ciaramedda

Sona sona ciaramedda
suspirusa so cumpagna
veni a fari la nuvena
lu pasturi di muntagna
Binidittu lu pasturi
chi va e canta a lu signuri

Ciaramiddaru ciaramiddaru
fai ‘na sunata supra l’ artaru
ca lu Signuri quannu nascìu
tutti li casi binidicìu
e falla bedda la ninnaredda
la ciaramedda sona accussì

Comu sciuscia ‘a tramuntana
e la nivi è ‘na biancura
dici tutta la campagna
Oh che bedda la natura
porta sempri lu pasturi
‘nda la nivi lu splinduri

Ciaramiddaru ciaramiddaru
fai ‘na sunata supra l’ artaru
ca lu Signuri quannu nascìu
tutti li casi binidicìu
e falla bedda la ninnaredda
la ciaramedda sona accussì

La nuvena quant’è duci
duna paci all’ infilici
si la senti lu Signuri
si l’ abbrazza lu pasturi
si la senti lu Bamminu
binidici lu camminu

O ciaramedda sona ca sona
ca l’ arma nostra si fa cchiù bbona
mentri ca soni sutta li stiddi
inchi lu cori a li picciriddi
e falla bedda la ninnaredda
la ciaramedda sona accussì