Скачать или смотреть Hasti Meri Namoose e Risalat Pe Fida hai | New Kalam 2021 | Hafiz Ilyas barkati

نعت نبی ﷺ

پروانۂ دل ، شمعِ نبوت پہ فدا ہے
ہستی مری ، ناموسِ رسالت پہ فدا ہے

جو کچھ مجھے مولیٰ نے دیا اپنے کرم سے
وہ سب مرے سرکار کی عزت پہ فدا ہے

ہر ظلم گوارا ، شہِ کونین کی خاطر
ہر چین و سکوں ، عشق کی راحت پہ فدا ہے

ہرگز نہیں سرکار کی توہین گوارا
الفت مری ، اُس مرکز الفت پہ فدا ہے

وہ ذات جو اللہ تعالیٰ کی ہے محبوب
یہ جان و جگر اس کی محبت پہ فدا ہے

سب راحتیں قربان ، غمِ عشقِ نبی پر
ہر ایک خوشی ان کی مسرت پہ فدا ہے

ہیں سارے گل و برگ و ثمر جس سے معطر
گلزارِ جہاں اُس گُلِ رحمت پہ فدا ہے

ہر رزق ہے آقا کے درِ جٗود کا صدقہ
دولت بھی شہ دیں کی سخاوت پہ فدا ہے

ہیں فَقر و غِنا ، اُن کے توکُّل کے فدائی
ہر نعمتِ رب اُن کی قناعت پہ فدا ہے

ہر رُخ مرے سرکار کی ہستی کا ہے بے مثل
صورت پہ کوئ ، اور کوئ سیرت پہ فدا ہے

اَقصیٰ میں ، مُصلّے پہ ہیں معراج کے دولھا
ہر ایک نبی اُن کی امامت پہ فدا ہے

اے عشقِ رسالت ! ترے قربان فریدی
طاعت بھی ، ترے حسنِ اطاعت پہ فدا ہے

از فریدی صدیقی مصباحی
مسقط عمان
+96899633908


RECORDING : @AZHARISTUDIO
AUDIO MIX : RAO WASAY(RWDS)
VIDEO : ABDUL SATTAR RAZVI


FOLLOW ME ON INSTAGRAM
https://instagram.com/hafizilyasbarka...


JAZAKALLAHU KHAIRAA