Скачать или смотреть nawodya saha dilantha yuwala අවුරුදු 22 තරුණ යුවළ එකටම ගිය දුක්බර කතාව

(දඹුල්ල කාංචන කුමාර ආරියදාස)

2026.02.24
කොහොම ඉවසන්නද
අවුරුදු 22 තරුණ යුවළ එකටම ගිය දුක්බර කතාව
මේවා වෙන්න දෙන්න එපා ජනපතිට යෝජනාවක්
පාසල් ප්‍රේමය අවසන් කොට දෙමාපියන්ගේ අවසරය මත විවාහ ගිවිසගෙන මාස තුනක් ගතවෙද්දී හදිසි අනතුරකට පත්ව තරුණ යුවළක් ජීවිතක්ශයට පත්වීමේ දුක්බර පුවතක් දඹුල්ල යාපාගම ප්‍රදේශයෙන් අපට වාර්තා විය
යුවළගේ අවසන් කටයුතු 24 දින පස්වරුවේ යාපාගම පොදු සුසාන භූමියේදී විශාල ජනතාවගේ සෝ සුසුම් මැද සිදුකරන්නට වූහ
මෙසේ අවාසනාවන්ත ලෙස මියගියේ දඹුල්ල යාපාගම පදිංචි ඩිලන්ත පූර්ණ විසි දෙක හැවිරිදී තරුණයා සහ ඔහු විවාහ ගිවිසගෙන සිට නවෝද්‍යා සෙනවිරත්න සම වයසේ තරුණිය වෙයි.
මෙම යුවළ විවාහ ගිවිස ගැනීමෙන් පසු ගම්පහ ප්‍රදේශයේ ආහාර සැපයුම් කරන ආයතනයක රැකියාව සිදුකොට තිබේ. එම ප්‍රදේශයේම කුලී නිවාසයක නැවතී රැකියාව කරනු ලබයි . ලද නිවාඩුවට දෙදෙනාම යතුරුපැදියෙන් දඹුල්ල පිහිටි දෙමව්පියන්ගේ නිවසට පැමිණෙන බව දෙමව්පියෝ පවසති.
එසේ පැමිණ නැවත දෙදෙනා රැකියාව කරන ගම්පහ ප්‍රදේශයට යතුරුපැදියෙන් පසුගියදා ගමන් කරමින් සිටියදී නුවර කොළඹ ප්‍රධාන මාර්ගයේ වතුපිටිවල ප්‍රදේශයේදී බස් රථයක යතුරුපැදිය ගැටීමෙන් සිදු වූ අනතුරකින් මෙම දෙදෙනාට දිවි අහිමි වී ඇතැයි දෙමව්පියෝ පවසති.
දරුවන්ගේ දෙමව්පියන් යාලුවන් ප්‍රදේශවාසීන් මෙන්ම බොහෝ තරුණ යුවළගේ දේහයන් තැන්පත් කොට ඇති දඹුල්ල යාපාගම පිහිටි නිවසට පැමිණ අවසන් ගෞරව දක්වන්නට එක්ව සිටියහ
ප්‍රදේශයේ බොහෝ දෙනා දැඩි කම්පනයට පත් වූ මෙම ඛේදවාචකය පිළිබඳව අදහස් ප්‍රකාශ කරමින් කියා සිටියේ තරුණ වයසට වාහන පිළිබඳව අලුත් සමාජය මීට වඩා සැලකිලිමත් විය යුතු බවය
එසේ නොවන්නට රටට වැඩදායී ශ්‍රම බලකාය දවසින් දවස අකාලයේ මහ මඟ විනාශ වන බවය. එමෙන්ම මෙරට පවතින මාර්ග නීති නිසිලෙස ක්‍රියාත්මක කරන ලෙස ජනාධිපතිවරයාගෙන් ඉල්ලා සිටින බවය.