關注賭牌競投後有何機制確保不裁員？

特首答問大會｜梁孫旭｜2022/8/9

關注賭牌競投後有何機制確保不裁員？

立法議員梁孫旭：
特區政府目前開展的新一輪賭牌競投，關係到澳門未來的經濟命脈、民生福祉，以及廣大博彩從業員的生計。雖然現時政府已將 “擬承擔的社會責任”、“開拓外國客源巿場計劃”、“對特區帶來的利益”等納入甄選的重要考慮因素。但由於相關的批示中既沒有訂指標，亦沒有設門檻，請問長官閣下如何令獲批的博企能做好相關工作？

面對現時嚴峻的失業環境，希望政府盡快動用第二個一百億向居民發放普惠性的抗疫援助基金，以解居民燃眉之急。在勞動保障方面，有不少員工擔憂在賭牌競投後會出現裁員。長官閣下有何機制確保賭牌塵埃落定後不會出現裁員？以及進一步落實博企不同崗位本地化，將好工留比本地人做？早前政府表示六個賭牌不一定全數批出，一旦少於六個賭牌批出時，政府有無預案保障涉及的員工就業和權益問題？

而“新博彩法”規定，基於公共利益，尤其拓展海外市場原因，行政長官可豁免全部或部分博彩特別撥款，由於有關做法“郁動”了社保的根基，社會擔心會否影響民生保障。政府強調收益一定大於減免的撥款，但請問長官收益增大又有何機制讓居民分享這份的成果？



行政長官賀一誠：
社保係由2000開始，我地一共在社保的注資係1431.87億，這個係社保的總量。到2022年首季為止，我地社保總的資產值還有943億，按照現在發放的基數來講，應該是去到2070年可以維持到。

但你整天話“郁動”左社保支援海外國客戶，這個我地經過很慎重的評估，因為上一次我在立法會都講過，我地如果仲係，因為你係博彩業出身，你總係回顧返2013、2014年的巔峰狀態的內地客戶來講，係已經不可能了，這個對國家的負面影響太強，我地有一個觀點一定要正確面對。我地唔好對國家產生負面影響，那麼我們一定要多點吸收外國客戶。

上一次我地講左，希望多少少外國客戶，那麼都要比返多少誘因去帶動這些客戶。甘係2000到2021年，博彩業輸入左俾我地有關的社保只係佔到35.5%，政府的注資同其他的收入係佔左64.5%，所以唔係話博彩這個撥款係我地社保的主要的根基，一定要明確，這個四六分都未到，所以這方面來講，我地一定要用數據來講這件事，唔好混淆左，好似話呢個社保全部都靠博彩，並不是。

而點樣分享，我地有關的因為外國客可能會帶動多點35%，你不相信這個說法來講，我地可以現在就睇到，我地甘多年的抗疫入面，1600多億這些錢從哪裡來呢？呢啲就係35%的稅收積累下來的錢，當我地有問題時就係呢度抽錢出來，俾返我地嘅市民。你講緊的第二個一百億都係呢度攞出來的，這個就叫做分享。

社保是固定的，每一個人退休之後，過一定年期一定要攞嘅，我地這個係一個固定的責任，一定要攞，一定要俾他，但你話我地點樣去分享有關外國客帶來的35%，因為他帶左35%之後，他們積累左係我地嘅庫房入面，當我地發生左疫情之後，我地就要抽出來補充我地嘅財政赤字，補充我地嘅有關的疫情的問題，這個就是分享。所以我希望你可以正確認識到什麼叫分享，什麼叫社保呢，甘就好清晰了。所以唔好整日咬住話你“郁動”左社保根基，我地係“郁動”左社保有關的費用的一部分。因為3%入面的75%我地佔左2.25%撥入社保，不是3%全部俾嗮社保。甘多年撥入去，去到2021年來講，總共撥左35.5%，佔我地1400幾億裡面。這個要從數字裡面去分析這個問題。這樣就會清晰這個問題係邊度。所以你話要分享，現在我地行緊1600幾億就係甘多年，我地係我地嘅財政收入入面嘅積累落來嘅儲備，支撐住我地嘅有關的社會運作。