Скачать или смотреть Bawm song 2024।।Ram hla, 2024।। ~ Zai khat Hen~

Toliau sinliau hen ummi ngaksia, sinliau chirmi nungak tlangval tla dirmun leh changhdan tla theih fiang ding hen chun lengmi dirmun thawk hen zoh aherh Kan Bawmram sungah Cha sinnak leh Christian sakhua sintirnak zul kan adawmh nak thawk hen tusun ni tiang kan dirmun tla hi kan sut fiang chun, mailei kan pah ding lampi leh dirmun tla tha doh hen kan theih kho lai. Phun-phai fing leh thiam dan zul kan duh bak chun kan dunglei ah hawng kan thlak tu pi leh pu tla hun mang, rian tuan leh changh dan history tla fiang leh dik tak hen kan theih aherh. Kha tla chu kan thlapele sihen, kan chingthlir chun mailei lam pah ding mi tla lak ah ralthat nak leh fim leh thiam nak ah hawng kan tangpi vima lai.
Kum 1929 ah Pu Kualthang leh Pu Pung Unkhar chu Sirte khua, Mizoram ah cha sin ding hen an kal nak thawk hen kan Bawmram (tu ah kan ram asi lo khawmsele lanah thawk hen kan mah ram ti hen kan theih mi) cha sinnak chu adawmh. 1926 thawk hen 2002 tiang chu kum 73 asi rawh. Minung kumsut dan hen chun kum cherkhet asi rawh..
Kan ramah Christian sakhua chu Rev. Edwin Rollan nih kum 1910 ah a hawng lut pi. Khahun thawk hen sakhua lei lung nak leh cha sinnak lakah theih nak (idea) thar kan tawng mi asi ko. 1926 vel ah Christian sakhua dan lung leh zul kan a dawmh. Christian sakhua dan lung kan a dawmh nak kum thum thawk hen cha sin kan a dawmh mi asi. Kan ramah Christian sakhua lung kum leh cha sin kan a dawmh nak hi kum thum ko a thlau.
Tu 2002 ah Bawmramah Christian sakhua lungtu chu zalu ah za hi asi. Kan lung dan minung lu sut hen chun thungai lawm a kai. Hi hawi hen ram khat lakah um mi phun-phai leh chi kuangkhat thawk hen zalu ah za sakhua pakhat an lung hep ti mi hi laikulh ramdang leh mundang tla ah hawlversele tawng a har thlo ding ka ngaih. Pathian thunung thu lung nak lakah mun khat kan um kho mi hi kan rangah rothil liantak asi. Hi hawi te hen tu 2002 ah Bawmramah chasin kan adawmh nak kum '29 thawk hen kum 73 nunah kan dirmun hi zei hawi asi rawh. Thlarau lei lung nak dirmun hawi hen zalu ah za kan tling rawh ma, lo leh kan tling deng mang rawh ma? Adawtte hen sang vima ding tisele chu kum 38 nunah kum 1967 ah Pu Lalngak nih B.A.

Ram kip mun kip Bawmfa um tla kan ram adam loh,kan phun ahim lo! Nang leh kei nih kan thiamnak,kan finghnak,kan karei tha,kan huaisen nak pasaltha suak hen raldo hen kan Bawmram chu kan hum thlir ding.kan dawk lai loh,kan raldo chu kan do charchar ding.kan phun mipi atuar zia tla dawn piak na hen Ram kip leh mun kip Bawm umtu thaliau chakliau vakliau mi tla thu munkhat um hen ral kan do piak na lai. Iksik,nahsuah leh asimsawi nak tla kan do chiau lai.Thinlung munkhat,thu munkhat hen kan um pang chun laikulh ral dang dang tla nih khawm kan neh kho lai loh.Kristian lungtu fa tla nih chun Nehnak kan ating lai.Neihnak hi Lalpa ta asi.ka zumh thlir lai.

Bangladesh || Burma || Mizoram ah Bawm Thaliau umtu kan ekte thinlung munkhat hen Bangladesh Bawmram kan huam chiau lai.