انا ما يضيق خاطري زلة الرجال : الشاعر ضاري البوقان

:
:


انا ما تضيق خاطري زلة الرجال
مدام انه طيب بـ تعذر له بـ طيبه

لو ان زلته بين الرياجيل ما تنقال
فـ أنا أقدر الطيب و لا أفكر أعيبه

أعيش بـ رحابه و أتميّز بـ طولة بال
و رجال مالي به و رجال أهلي به

ما آخاوي رجل الاعمال آخاوي رجل الأفعال
لو ان ما معه عشرة دنانير في جيبه

رفيقً ما هو بـ يسوى آبيعه بنص ريال
و رفيقً آبيع العمر دونه و آماريبه

ضعيف الراوبع جعله الضيق و السلال
و لا طرو آسمه ماله الا آلف و الخيبه

تغاضيت حشمه و التغاضي مع الانذال
اذا ما يزيد العز ما نقص الهيبه

يقولون كيف الحال و أقول كيف الحال
يعذربني اللي كنت أغطي عذاريبه

تمرجل بـ طيبي يحسب أنه شنيبه طال
و لا يدري اني لا بغيت آحلق شنيبه

آكزه ثلاث آميال يرجع بـ عشر آميال
أرزه ما بين الناس و الناس تدريبه

مع آنه معي رخصة تعامل مع العيّال
و لي كلمةً ما هي بـ تخطيه بـ تصيبه

انا لا نويت الشي بـ الحال و لا المال
آطق الصدر و آقدم على الشي و آجيبه

ما يردعني بن الآل و لا رفيق الآل
مصيبه و اذا بقوم ابقوم بـ مصيبه

لكن الردي لا صار أبن عم و لا خال
هذا والله اللي تبتلش وش تسويبه

:
:

#ضاري_البوقان