Скачать или смотреть ਇੱਕ ਹੋਰ ਕਤਲ ਕੇਸ ਵਿੱਚ ਲਾਰੇਂਸ ਬਰੀ --- ਸੁਣੀਂ ਸੁਣਾਈ ਗੱਲ, ਠੋਸ ਸਬੂਤ ਨਹੀਂ

ਅਦਾਲਤਾਂ ਦੇ ਫੈਸਲਿਆਂ ਤੇ ਕਈ ਵਾਰ ਸਵਾਲ ਖੜ੍ਹੇ ਹੁੰਦੇ ਆਏ ਹਨ,ਕਈ ਵਾਰ ਬਹੁਤ ਹੀ ਹੈਰਾਨੀਜਨਕ ਫੈਸਲੇ ਸੁਣਾਏ ਗਏ ਹਨ ਜਿਨ੍ਹਾਂ ਤੇ ਚਰਚਾ ਵੀ ਬੜੀ ਨੀਝ ਨਾਲ ਹੋਈ ਹੈ। ਅਜਿਹਾ ਹੀ ਇੱਕ ਫੈਸਲਾ ਚੰਡੀਗੜ੍ਹ ਦੀ ਇੱਕ ਅਦਾਲਤ ਨੇ ਕੀਤਾ ਹੈ ਜਿਸ ਵਿੱਚ ਜੱਜ ਸਾਹਿਬ ਨੇ ਚਰਚਿਤ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੂੰ ਇੱਕ ਕਤਲ ਕੇਸ ਵਿੱਚ ਬਰੀ ਕਰ ਦਿੱਤਾ ਹੈ।ਬਰੀ ਕਰਨ ਲਈ ਜਿਸ ਗਵਾਹੀ ਦਾ ਜ਼ਿਕਰ ਕੀਤਾ ਗਿਆ ਹੈ ਉਹ ਗੁਜਰਾਤ ਦੀ ਸਾਬਰਮਤੀ ਜੇਲ੍ਹ ਦੇ ਇੱਕ ਡੀਐਸਪੀ ਵੱਲੋਂ ਦਿੱਤੀ ਗਈ ਹੈ।ਇਸ ਗਵਾਹੀ ਵਿੱਚ ਅਗੱਸਤ 2023 ਦਾ ਜ਼ਿਕਰ ਕਰਦਿਆਂ ਡੀਐਸਪੀ ਕਹਿੰਦੇ ਹਨ ਕਿ ਉਸ ਸਮੇਂ ਮੈਂ ਚੰਗੀ ਤਰ੍ਹਾਂ ਤਲਾਸ਼ੀ ਲਈ ਸੀ, ਮੈਨੂੰ ਕੋਈ ਵੀ ਮੁਬਾਇਲ ਫੋਨ ਨਹੀਂ ਲੱਭਿਆ, ਤੇ ਜਿੰਨੇ ਚਿਰ ਤੋਂ ਇਹ ਉਸ ਜੇਲ੍ਹ ਵਿੱਚ ਬੰਦ ਹੈ ਲਾਰੇਂਸ ਵਲੋਂ ਕੋਈ ਵੀ ਫੋਨ ਇਸਤੇਮਾਲ ਨਹੀਂ ਕੀਤਾ ਗਿਆ।ਜੱਜ ਸਾਹਿਬ ਨੇ 2023 ਦੀ ਇਸ ਗੱਲ ਦਾ ਨੋਟਿਸ ਲਿਆ,2019 ਵਿੱਚ ਹੋਈ ਵਾਰਦਾਤ ਬਾਰੇ ਫ਼ੈਸਲਾ ਸੁਣਾਉਂਦੇ ਹੋਏ। ਉਹਨਾਂ ਨੂੰ ਲਾਰੇਂਸ ਬਿਸ਼ਨੋਈ ਵੱਲੋਂ ਜੇਲ੍ਹ ਵਿੱਚ ਬੰਦ ਰਹਿੰਦਿਆਂ ਟੀਵੀ ਚੈਨਲਾਂ ਨੂੰ ਦਿੱਤੀਆਂ ਇੰਟਰਵਿਊਆਂ ਦਾ ਚੇਤਾ ਨਹੀਂ ਆਇਆ, ਹੁਣੇ ਜਿਹੜਾ ਚੰਡੀਗੜ੍ਹ ਵਿੱਚ ਹੀ ਪੈਰੀ ਨਾਂਅ ਦੇ ਨੌਜਵਾਨ ਦਾ ਕਤਲ ਹੋਇਆ ਸੀ,ਜਿਸ ਵਿੱਚ ਇਹ ਕਿਹਾ ਗਿਆ ਸੀ ਕਿ ਉਸ ਨੂੰ ਘਰ ਤੋਂ ਬਾਹਰ ਸੱਦਣ ਲਈ ਲਾਰੇਂਸ ਨੇ ਹੀ ਫੋਨ ਕਾਲ ਕਰਕੇ ਝਾਂਸੇ ਵਿੱਚ ਫਸਾਇਆ ਸੀ।ਇਹ ਫੋਨ ਕਾਲ ਦੀ ਰਿਕਾਰਡਿੰਗ ਵੀ ਚੈਨਲਾਂ ਉਪਰ ਵਾਰ ਵਾਰ ਚਲਾਈ ਜਾਂਦੀ ਰਹੀ ਹੈ ਪਰ ਜੱਜ ਸਾਹਿਬ ਕਿਹੰਦੇ ਕਿ ਲਾਰੇਂਸ ਬਿਸ਼ਨੋਈ ਤਾਂ ਜੇਲ੍ਹ ਵਿੱਚ ਕਈਆਂ ਸਾਲਾਂ ਤੋਂ ਬੰਦ ਹੈ, ਕਿਸੇ ਦੇ ਸੰਪਰਕ ਵਿੱਚ ਨਹੀਂ ਹੈ।ਕਦੇ ਵੀ ਫੋਨ ਇਸ ਕੋਲੋਂ ਲਭਿਆ ਹੀ ਨਹੀਂ ਗਿਆ।ਇਹ ਨਿਰਦੋਸ਼ ਹੈ,ਇਸ ਲਈ ਇਸ ਨੂੰ ਬਰੀ ਕੀਤਾ ਜਾਂਦਾ ਹੈ।