شيلة حربة الهيلا | كلمات عبدالرحمن جزا | اداء فايز العتيبي

تنفيذ شيلات الفيصل
لـ تواصل
0500119277
inst:al_ifasal30
snap:al_ifasal30

يا فكر بالامر الاول و الاخير
قلط الندّر مع : الباب الكبير
خلها قدمي تدور و تستدير

لين أنا أصرفها على حسب التظام

و شد حيلك يا دمار المنشدين
و ودع الشعار و المستشعرين
والرهى من فضل رب العالمين

ما نغرس اكواعنا الا في سنام

اشرقت شمس الفرح من كل صوب
و طوحت ترحيبة الصدر الرحوب
و شرعت من الشمال اليا الجنوب

و البدايه مسكها مثل الختام

محفل اهل الجود دمثين الجناب
ستر من يمناه يزهاها الخضاب
وارثين الطيب شيبان و شباب

ولا مدحة أمدح رفيعين المقام

امدح الطيب عسى عمره مدي
حرٍ يراكي عطارد و الجدي
و الردي يغنيه عن مدحي ردي

لا رجعنا للصحيح من الكلام

يا عبيدالله لك عيال اعبرو
كافحو على دروبك و اصبرو
و لـ الكباير كوعو يوم كبرو

شيٍ يطير من العين المنام

يا عسى قبرك إلى يوم السوال
بارد و مدهل مراويح الخيال
مثل ما مجلسك مدهل لـ الرجال

يا ملاذ اهل المواضيع الجسام

وسم يا سلطان و أبشر بالسعد
و أحتزم بي لـ الثنادي فـ الوعد
و خايل البرق و توحى لـ الرعد

يوم يطفح في سما الشعر العسام

و الشعر ماهوب عاد اهم شي
ان حصل يضيف لأصحابه شوي
و كلٍ و جزالته و الحيّ حيّ

لا غدا للشعر وقفه و إنسجام

يا ولد راع السجايا الطيبه
اللي عْلومه ماهيب معيّبه
و نظرته دايم ماهيب قريّبه

المردد من خوال و من عمام

هذا عبدالله عسى يومه بعيد
راعي الوقفات و الرايٍ سديد
و ما يفكك يالحديد الا الحديد

يوم ماكلٍ ليا من قام قام

و من عطاه الله بني عمٍ هجاج
و إستوى له مدحهم لو في زواج
فرصةٍ يعرف لها طلق الحجاج

و يستهين ابها الخمام ابن الخمام

انت من روس الاشاوس و الشيوخ
ما ظهر من بينكم مساح جوخ
صولجان الطيب و عظام الشموخ

قبل يستولي على الحكم الامام

من بني مشيب عمى عين الحسود
الزحول اللي يبلون التسبود
في نهارن ينعذر فيه الشرود

حربة الهيلا مقابيس الظلام

و كلنا عتبان لاا حمي الوطيس
لا غدا للخيل فـ الملقى ضريس
لإستشطنا في نحور ام العبيس

نخلي خشوم الشيوخ من العرام

ربعي اهل الفعل مروين السيوف
لا نكفى رزق الارامل و الضعوف
بطشكم يخلف مقاديم الصفوف

لا ارتكز عج الاصايل فـ الزحام

لا زمينا ما نشوف اللي زمو
السطر من بيننا كامل نمو
وفي سمانا مانشوف اللي سمو

ما نشوف الا غمام و ما غمام

بقصر عقال القصيده لا تطول
و ان عطاها الله رضاكم لا تقول
ما ابرك من الشعر لاعين قبول

ل إفتتحته وختتمته ب السلام