Скачать или смотреть காரையூர் முத்துமாரியம்மன் கோவில் தேரோட்டம்

பொன்னமராவதி  அருகே காரையூரில் ஸ்ரீ முத்துமாரியம்மன் கோவில் தேரோட்டம் நடைபெற்றது.  இதில் ஏராளமான பக்தர்கள் கலந்து கொண்டு தேரை வடம் பிடித்து இழுத்து நேர்த்திக்கடன் செலுத்தினர்

புதுக்கோட்டை மாவட்டம் பொன்னமராவதி அருகே காரையூர் கிராமத்தில் அருள்பாலித்து வரும் ஸ்ரீ முத்துமாரியம்மன் கோவில் வைகாசி திருவிழா கடந்த 15ஆம் தேதி அன்று கொடியேற்றத்துடன் தொடங்கியது. தினந்தோறும் அம்மனுக்கு சிறப்பு அபிஷேகம் ஆராதனைகள் நடைபெற்று திருவீதிஉலா நடைபெற்றது. அதனைத் தொடர்ந்து 9நாள் திருவிழாவின் முக்கிய நிகழ்வான வைகாசி தேர்த்திருவிழா நடைபெற்றது. இதில் அலங்கரிக்கப்பட்ட தேரில் ஸ்ரீ முத்துமாரி அம்மனை வைத்து சிறப்பு அபிஷேகம் அலங்காரம் செய்யப்பட்டது. காரையூர் சுற்றுவட்டார பதினெட்டு பட்டி கிராமத்தைச் சேர்ந்த மூவாயிரத்துக்கும் மேற்பட்ட பக்தர்கள் குலவையிட்டு முழக்கமிட்டு தேரினை வடம் பிடித்து கோவிலைச் சுற்றி இழுத்து வந்தனர். அப்போது அம்மன் தேரில் அமர்ந்தவாறு பக்தர்களுக்கு அருள்பாலித்தார். இதில் காரையூரின் முக்கிய வீதிகள் வழியாக மேளதாளங்கள் முழங்க தேர் பவனி வந்தது. இதில் சுற்றுவட்டார பகுதியைச் சேர்ந்த ஏராளமான பக்தர்கள் அம்மனின் அருள் பெற தேரை வடம் பிடித்து இழுத்து நேர்த்திக்கடன் செலுத்தினர். கலந்து கொண்ட அனைத்து பக்தர்களுக்கும் பொதுமக்களுக்கும் அருட்பிரசாதம் வழங்க வழங்கப்பட்டது. பாதுகாப்பு ஏற்பாடுகளை இலுப்பூர் காவல் துணை கண்காணிப்பாளர் காயத்ரி, காவல் ஆய்வாளர் ராதாகிருஷ்ணன் உள்ளிட்ட நூற்றுக்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர்.

#2023 #ponnamaravathy #shortsvideo #polimernews #pudukkottaikingdom #pudukkottaidistrictnews #தேரோட்டம் #therottam #therottam #karaiyur #muthumariyamman #kovil